ஜிவி பிரகாஷ், கயாடு லோஹர் உள்ளிட்டோர் நடிப்பில் வெளியாகியுள்ள ‘இம்மார்ட்டல்’ திரைப்படம் ரசிகர்களிடையே நல்ல வரவேற்பை பெற்று வருகிறது. மாரியப்பன் சின்னா இயக்கியுள்ள இப்படம் வெளியானது முதலே ரசிகர்கள் மட்டுமின்றி விமர்சகர்கள் மத்தியிலும் கவனம் பெற்றுள்ளது. குறிப்பாக படத்தின் கதைக்களம், திரைக்கதை மற்றும் நடிகர்களின் நடிப்பு ஆகியவை பாராட்டுகளைப் பெற்று வருவதாக கூறப்படுகிறது.
இதனிடையே ‘இம்மார்ட்டல்’ படத்தின் வசூல் குறித்த புதிய தகவல் வெளியாகியுள்ளது. Sacnilk வெளியிட்டுள்ள தகவலின்படி, படம் வெளியான ஐந்தாவது நாளில் மட்டும் சுமார் ரூ.60 லட்சம் வசூலித்துள்ளதாக கூறப்படுகிறது. வெளியான முதல் நாளிலிருந்து தொடர்ந்து சீரான வசூலை பதிவு செய்து வரும் இப்படம், தினமும் சராசரியாக ரூ.60 லட்சத்திற்கும் குறையாமல் வசூல் செய்து வருவதாக தெரிகிறது.
இதன் மூலம் ஐந்து நாட்களில் ‘இம்மார்ட்டல்’ திரைப்படம் மொத்தமாக ரூ.5.72 கோடி வசூலை குவித்துள்ளதாக தகவல் வெளியாகியுள்ளது. குறிப்பாக வார நாட்களிலும் படத்திற்கு ஓரளவு பார்வையாளர்கள் வருகை தருவது படக்குழுவினருக்கு நம்பிக்கையை ஏற்படுத்தியுள்ளது.
தற்போதைய நிலவரப்படி திரையரங்குகளில் படத்திற்கு கிடைத்து வரும் வரவேற்பு தொடர்ந்து நீடித்தால், வரும் நாட்களில் வசூல் மேலும் அதிகரிக்க வாய்ப்புள்ளதாக எதிர்பார்க்கப்படுகிறது. விமர்சன ரீதியாக பாராட்டுகளைப் பெற்றுள்ள ‘இம்மார்ட்டல்’, வசூலிலும் தனது வெற்றியை தொடர்ந்து பதிவு செய்யுமா என்பதே தற்போது ரசிகர்களின் எதிர்பார்ப்பாக உள்ளது.
.png)
.png)
Listen News!