தமிழ் சினிமாவில் ஒரு முக்கியமான சாதனையை நிகழ்த்தியிருக்கிறது 'ஆண்பாவம் பொல்லாதது' திரைப்படம். கலையரசன் தங்கவேல் இயக்கியிருக்கும் இந்த திரைப்படம், அதன் ட்ரெய்லர் வெளியீடு மூலமாக உலகமே கவனிக்கத்தக்க சாதனையைச் செய்துள்ளது.
‘உலகிலேயே அதிகபட்ச நபர்களால் ஒரே நேரத்தில் வெளியிடப்பட்ட திரைப்பட ட்ரெய்லர்’ என்ற அட்டகாசமான உலக சாதனையை இந்த படம் நிகழ்த்தியிருக்கிறது என்பது ரசிகர்களுக்கு பெருமையாகவும், தமிழ் சினிமாவிற்கு நம்பிக்கை கொடுக்கும் செய்தியாகவும் அமைந்துள்ளது.
‘ஆண்பாவம் பொல்லாதது’ என்ற தலைப்பே ஒரு கேலி, யதார்த்தம், சமூக விமர்சனம் கலந்த கோணத்தை வெளிப்படுத்துகிறது. இந்த படத்தின் இயக்குநர் கலையரசன் தங்கவேல், தமிழ் சினிமாவில் புதுமையை விரும்பும் இயக்குநர்களில் ஒருவர்.
படத்தின் நாயகனாக நடிக்கிறார் ரியோ ராஜ். இவர் தொலைக்காட்சி நிகழ்ச்சி வழங்குநராக தன் பயணத்தைத் தொடங்கி, தற்போது திரையுலகில் தனக்கென ஒரு இடத்தைப் பெற்றவர். அவருடன் இணைந்து கதாநாயகியாக மாளவிகா மனோஜ் நடித்துள்ளார்.
இந்த படம் ஒரு முழுமையான பொழுதுபோக்கு திரைப்படமாக இருந்தாலும், அதற்குள் ஒரு நுண்ணிய சமூகப் பார்வையும் கோர்வையாக பின்னப்பட்டிருப்பதாக படக்குழு தெரிவிக்கிறது.
இந்த சாதனை மிகவும் தனித்துவமானது. சாதாரணமாக ட்ரெய்லர்கள் இணையத்தில் (YouTube, Facebook, Instagram போன்ற தளங்களில்) வெளியிடப்படுவது வழக்கம். ஆனால் ‘ஆண்பாவம் பொல்லாதது’ படக்குழு இந்த முறையை முற்றிலும் வித்தியாசமாக வெளியிட்டுள்ளது. அதாவது, மக்கள் ஸ்கேனிங் மூலமே இப்படத்தின் ட்ரெய்லரை படக்குழுவினர் வெளியிட்டுள்ளனர் என்பதும் குறிப்பிடத்தக்கது.
_68f8b9d05953b.jpg)
.png)
.png)
Listen News!