_69143c606e03d.jpg)
இயக்குநர் மாரி செல்வராஜ் இயக்கத்தில், துருவ் விக்ரம் மற்றும் அனுபமா பரமேஸ்வரன் முக்கிய கதாபாத்திரங்களில் நடித்துள்ள “பைசன்” திரைப்படம், ரசிகர்கள் மத்தியில் மிகுந்த வரவேற்பைப் பெற்றுள்ளது. அக்டோபர் 17, 2025 அன்று உலகமெங்கும் வெளியான இப்படம் தற்போது பாக்ஸ் ஆபிஸில் ரூ.70 கோடியை கடந்துள்ளதாக சமீபத்திய தகவல்கள் தெரிவிக்கின்றன.
மாரி செல்வராஜ் கடந்த காலங்களில் சமூக நீதியை மையமாகக் கொண்டு “பரியேறும் பெருமாள்” மற்றும் “கர்ணன்” போன்ற விமர்சக பாராட்டைப் பெற்ற படங்களை இயக்கியவர். அந்த வரிசையில் அவர் இயக்கிய “பைசன்”, ரசிகர்கள் மத்தியில் மிகுந்த எதிர்பார்ப்பை ஏற்படுத்தியது. வெளியீட்டின் முதல் நாளிலிருந்தே படம் ரசிகர்கள், விமர்சகர்கள் இருவரிடமும் நல்ல வரவேற்பைப் பெற்றிருந்தது.
மாரி செல்வராஜின் இயல்பான கதை சொல்லும் பாணி, உணர்ச்சிகளை மையமாகக் கொண்ட உரையாடல்கள், மற்றும் சமூகம் சார்ந்த வலுவான செய்தி ஆகியவை “பைசன்” திரைப்படத்தை மற்ற படங்களிலிருந்து வேறுபடுத்துகின்றன.
இது துருவ் விக்ரமுக்கு இது முக்கிய மைல் கல்லாக அமைந்துள்ளது. தந்தை விக்ரமின் நடிப்பு மரபைத் தொடர்ந்து, துருவ் தனது நடிப்பு திறமையால் ரசிகர்களின் பாராட்டைப் பெற்றுள்ளார். அதேபோல், அனுபமா பரமேஸ்வரன் தனது கதாபாத்திரத்தை மிகுந்த நுணுக்கத்துடன் சித்தரித்துள்ளார்.
வெளியீட்டின் முதல் மூன்று நாட்களிலேயே “பைசன்” ரூ.25 கோடியை வசூலித்தது. தற்போது, படம் இந்தியா மற்றும் வெளிநாடுகளிலான மொத்த வசூலைச் சேர்த்து ரூ.70 கோடியைத் தாண்டியுள்ளது. இத்தகவல் படக்குழுவினருக்கு மிகுந்த மகிழ்ச்சியை ஏற்படுத்தியுள்ளது.
.png)
.png)
Listen News!