நடிகர் சிவகார்த்திகேயன் தயாரிப்பில் வெளியான “தாய் கிழவி” திரைப்படம் தற்போது ரசிகர்கள் மத்தியில் நல்ல வரவேற்பைப் பெற்று வருகிறது. இந்த நிலையில், படத்தின் வெற்றி விழா சமீபத்தில் நடைபெற்றது. அந்த நிகழ்ச்சியில் பேசிய நடிகர் சிவகார்த்திகேயன், தனது மனைவி ஆர்த்தியைப் பற்றிக் கூறிய உருக்கமான வார்த்தைகள் ரசிகர்கள் மத்தியில் பெரும் கவனத்தை ஈர்த்துள்ளன.
தமிழ் திரைப்பட உலகில் தனித்துவமான இடத்தைப் பெற்றுள்ள சிவகார்த்திகேயன், நடிகராக மட்டுமல்லாமல் தயாரிப்பாளராகவும் வெற்றிகரமாக செயல்பட்டு வருகிறார். பல வெற்றி திரைப்படங்களில் நடித்துள்ள அவர், தனது தயாரிப்பு நிறுவனத்தின் மூலம் பல நல்ல கதைகளையும் ரசிகர்களிடம் கொண்டு வருகிறார்.
அந்த வகையில், நடிகை ராதிகா நடித்த “தாய் கிழவி” திரைப்படம் சமீபத்தில் வெளியானது. இந்த திரைப்படம் குடும்பத்தை மையமாகக் கொண்ட உணர்ச்சிபூர்வமான கதைக்களத்துடன் உருவாக்கப்பட்டுள்ளது. திரைப்படம் வெளியானதிலிருந்து ரசிகர்களிடையே நல்ல வரவேற்பைப் பெற்றுள்ளது. குறிப்பாக ராதிகாவின் நடிப்பு குறித்து பலரும் பாராட்டுகளை தெரிவித்து வருகின்றனர்.
இந்த வெற்றியை கொண்டாடும் விதமாக “தாய் கிழவி” திரைப்படத்தின் வெற்றி விழா நேற்று நடைபெற்றது. இதில் படக்குழுவினரும் பல திரையுலக பிரபலங்களும் கலந்து கொண்டனர். நிகழ்ச்சியில் பேசிய சிவகார்த்திகேயன், திரைப்படம் குறித்து மட்டுமல்லாமல் தனது தனிப்பட்ட வாழ்க்கை பற்றியும் திறந்த மனதுடன் பேசினார்.
அப்போது தனது மனைவி ஆர்த்தியைப் பற்றிக் கூறிய சிவகார்த்திகேயன், “எனக்கு திருமணம் ஆன நாளிலிருந்து வீட்டில் வரவு செலவு கணக்குகளை என் மனைவி ஆர்த்தி தான் பார்த்துக் கொண்டிருக்கிறார். வீட்டில் பணம் தொடர்பான எந்த விஷயமாக இருந்தாலும் அவர் தான் முடிவு செய்கிறார். எனக்கு கூட செலவுக்கு பணம் வேண்டும் என்றால், அவரிடமே கேட்பேன்.அதை நான் பெருமையாகவே நினைக்கிறேன். ” என்று சிரித்தபடி கூறினார்.
சிவகார்த்திகேயனின் இந்த வார்த்தைகள் நிகழ்ச்சியில் கலந்து கொண்டவர்களிடையே பெரும் கைதட்டலை பெற்றது. தனது வாழ்க்கை மற்றும் தொழிலில் மனைவியின் ஆதரவு மிகவும் முக்கியமானதாக இருந்தது என்பதை அவர் திறந்த மனதுடன் பகிர்ந்தது ரசிகர்களை கவர்ந்தது.
_69b294426227f.jpg)
.png)
.png)
Listen News!