மலையாள திரையுலகின் முன்னணி நடிகர்களில் ஒருவராக வலம் வரும் துல்கர் சல்மான், தனது தந்தை மம்முட்டியின் பிரபலமான அடையாளத்தைத் தாண்டி, தனக்கென ஒரு தனி ரசிகர் பட்டாளத்தை உருவாக்கியுள்ளார்.
வித்தியாசமான கதைகளைத் தேர்வு செய்து நடித்து வரும் துல்கர் சல்மான், மலையாளம் மட்டுமின்றி தமிழ் மற்றும் தெலுங்கு திரையுலகிலும் தனது நடிப்பின் மூலம் கவனம் ஈர்த்து வருகிறார்.
தமிழ் ரசிகர்கள் மத்தியில் ‘வாயை மூடி பேசவும்’, மணிரத்னம் இயக்கிய ‘ஓகே கண்மணி’ போன்ற திரைப்படங்கள் மூலம் பிரபலமான அவர், சமீபத்தில் வெளியான ‘லக்கி பாஸ்கர்’ திரைப்படத்தின் மூலம் மிகப்பெரிய வரவேற்பைப் பெற்றார். இந்த திரைப்படம் ரூ.100 கோடிக்கும் அதிகமான வசூலை குவித்து சாதனை படைத்தது.
தற்போது துல்கர் சல்மான் நடிப்பில் உருவாகியுள்ள ‘ஐயம் கேம்’ திரைப்படம் வெளியீட்டுக்கு தயாராகி வருகிறது. இந்த திரைப்படம் எதிர்வரும் ஆகஸ்ட் 20ஆம் திகதி திரையரங்குகளில் வெளியாகும் என அறிவிக்கப்பட்டுள்ளது.
இதனுடன், இயக்குநர் பவன் சதினேனி இயக்கத்தில் உருவாகி வரும் நேரடி தெலுங்கு திரைப்படமான ‘ஆகாசம்லோ ஒக தாரா’ படத்திலும் துல்கர் சல்மான் நடித்து வருகிறார். இப்படத்திற்கு இசையமைப்பாளர் ஜி.வி. பிரகாஷ் இசையமைத்து வருகிறார்.
இதேவேளை, இயக்குநர் ரவி நெலகுதிதி இயக்கத்தில் உருவாகி வரும் துல்கர் சல்மானின் 41ஆவது திரைப்படத்தின் படப்பிடிப்பு தற்போது இறுதிக்கட்டத்தை எட்டியுள்ளது.
இந்த திரைப்படத்தில் நடிகை பூஜா ஹெக்டே கதாநாயகியாக நடிக்கிறார். ஜி.வி. பிரகாஷ் இசையமைக்கும் இப்படத்தை ஸ்ரீ லட்சுமி வெங்கடேஷ்வரா சினிமாஸ் நிறுவனம் தயாரித்து வருகிறது.
‘ஸ்ரீ ஸ்ரீ’ என பெயரிடப்பட்டுள்ள இந்த திரைப்படம் விரைவில் திரையரங்குகளில் வெளியாகும் என எதிர்பார்க்கப்படுகிறது.
இந்நிலையில், இப்படத்தின் முதல் பாடல் தொடர்பான புதிய தகவல் வெளியாகியுள்ளது. அதன்படி, ‘பொம்மா பொம்மா’ என பெயரிடப்பட்டுள்ள படத்தின் முதல் பாடல் எதிர்வரும் ஜூலை 27ஆம் திகதி மாலை 5.04 மணிக்கு வெளியிடப்படும் என படக்குழு அதிகாரப்பூர்வமாக அறிவித்துள்ளது.
துல்கர் சல்மான் - பூஜா ஹெக்டே கூட்டணியில் உருவாகும் இந்த திரைப்படத்தின் பாடல் வெளியீட்டு அறிவிப்பு தற்போது ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.
A song that will rekindle countless beautiful memories ❤️#SriSri First Single #BommaBomma out on July 27th 🎼
Music on @saregamasouth#LoveWillSparkAgain
Starring @dulQuer, @hegdepooja & @Dheekshiths
Directed by @ravinelakuditi9
Music by @gvprakash
Cinematography by… pic.twitter.com/AHcPPaBys9
.png)
.png)
Listen News!