நடிகர் ஜீவா நடிப்பில், மலையாள இயக்குநர் நிதீஷ் சஹாதேவ் இயக்கிய ‘தலைவர் தம்பி தலைமை’ (TTT) திரைப்படம், கடந்த 15ஆம் தேதி திரையரங்குகளில் வெளியாகி 2026 பொங்கல் திரைப்படப் போட்டியில் முக்கிய இடத்தைப் பிடித்துள்ளது. அரசியல் நையாண்டியை மையமாகக் கொண்டு உருவாக்கப்பட்ட இந்த படம், வெளியான முதல் நாளிலிருந்தே ரசிகர்களிடமும் விமர்சகர்களிடமும் நல்ல வரவேற்பை பெற்று வருகிறது.
பொங்கல் பண்டிகையை முன்னிட்டு பல முன்னணி நட்சத்திரங்களின் படங்கள் களமிறங்கிய நிலையில், பெரிதாக எதிர்பார்க்கப்படாத ‘தலைவர் தம்பி தலைமை’ படம், தன் தனித்துவமான கதைக்களம் மற்றும் நேர்த்தியான திரைக்கதை மூலம் எதிர்பாராத வெற்றிப் படமாக உருவெடுத்துள்ளது.
பாக்ஸ் ஆபிஸ் தகவல்களின்படி, ‘தலைவர் தம்பி தலைமை’ திரைப்படம் வெளியான ஆறாவது நாளிலேயே இந்தியா முழுவதும் ரூபாய் 20 கோடி வசூலை கடந்துள்ளது. பொங்கல் ரிலீஸ்களில் இடம்பெற்ற பல பெரிய படங்களை பின்னுக்குத் தள்ளி, இந்த வசூல் சாதனையை படம் பதிவு செய்துள்ளது என்பது திரையுலக வட்டாரத்தில் ஆச்சரியத்தை ஏற்படுத்தியுள்ளது.
தற்போதைய பாக்ஸ் ஆபிஸ் போக்குகளை வைத்து பார்க்கும்போது, ‘தலைவர் தம்பி தலைமை’ திரைப்படம் வெளியாகி முதல் 10 நாட்களுக்குள் உலகளவில் ரூபாய் 50 கோடி வசூலை எட்டும் வாய்ப்பு அதிகம் என சினிமா வட்டாரங்களில் பேசப்பட்டு வருகிறது. வார இறுதி நாட்களில் திரையரங்குகளில் கூட்டம் அதிகரித்துள்ளதால், அடுத்த சில நாட்களில் வசூல் மேலும் வேகமெடுக்கும் என எதிர்பார்க்கப்படுகிறது.
.png)
.png)
Listen News!