தமிழ் சினிமா ரசிகர்களின் மனதில் இன்னும் அழியாமல் இருக்கும் ஒரு இனிய காதல் கதையாகவே ‘சிவா மனசில சக்தி’ படம் விளங்குகிறது. இந்த படம் மூலமாக, இயக்குநர் ராஜேஷ், ஹீரோ ஜீவா, மற்றும் இசையமைப்பாளர் யுவன் சங்கர் ராஜா ஆகியோர் இணைந்து வெற்றிகரமான ஃபார்முலாவை உருவாக்கினார்கள். இப்போது, அந்த வெற்றிக்கூட்டணி 16 ஆண்டுகளுக்குப் பிறகு மீண்டும் திரையில் ஒன்றாக சேர இருக்கின்றனர் என்பது ரசிகர்களிடையே மிகப்பெரிய எதிர்பார்ப்பை ஏற்படுத்தியுள்ளது.
2009-ம் ஆண்டு வெளியான ‘சிவா மனசில சக்தி’, ஒரு ரொமான்டிக் காமெடி படம். தமிழில் "Feel Good" காமெடி படங்களுக்கு ஒரு புதிய வெளிச்சத்தைத் தந்த இந்தப் படம், ஜீவாவிற்கு புதிய திருப்பத்தை ஏற்படுத்திக் கொடுத்தது.
அந்த படத்தின் வெற்றியில், யுவன் சங்கர் ராஜாவின் இசைக்கும் முக்கிய பங்கு இருந்தது. இப்போது, அந்த மாஜிக் மீண்டும் நிகழவிருக்கிறது! மாலிக் ஸ்ட்ரீம்ஸ் நிறுவனம் தயாரிக்கவுள்ள புதிய திரைப்படத்தில், ஜீவா ஹீரோவாக நடிக்க, ராஜேஷ் இயக்குநராக, மற்றும் யுவன் சங்கர் ராஜா இசையமைப்பாளராக பணியாற்றவுள்ளனர்.
16 ஆண்டுகளுக்குப் பிறகு மீண்டும் இணையும் இந்த வெற்றிக் கூட்டணியில் ரசிகர்களுக்கான ஒரு புதுமையான அனுபவம் அமைய இருக்கிறது. படத்தின் ஃபர்ஸ்ட் லுக், கதாநாயகி மற்றும் ஏனைய தகவல்கள் விரைவில் அறிவிக்கப்படும்.
.png)
.png)
Listen News!