மனைவியை அப்படி பார்த்ததும் அழுகை வந்துடுச்சு.. நடிகை சுவாசிகாவின் கணவர் பிரேம் பகிர்வு.!

இயக்குநர் சசி இயக்கத்தில், விஜய் ஆண்டனி மற்றும் சுவாசிகா நடித்துள்ள 'நூறு சாமி' திரைப்படம் நேற்று திரையரங்குகளில் வெளியாகி ரசிகர்களிடையே நல்ல வரவேற்பைப் பெற்று வருகிறது. குறிப்பாக இந்தப் படத்தில் நடிகை சுவாசிகாவின் நடிப்பு பெரிதும் பாராட்டப்பட்டு வரும் நிலையில், அவருக்காக அவரது கணவர் நடிகர் பிரேம் வெளியிட்டுள்ள உணர்ச்சிபூர்வமான பதிவு சமூக வலைத்தளங்களில் வைரலாகியுள்ளது.

அந்த பதிவில், “என் வாழ்க்கையில் நான் பார்த்த மிகச் சிறந்த நடிப்புகளில் இதுவும் ஒன்று. 'நூறு சாமி' படத்தில் நீ ரசிகர்களை சிரிக்க வைத்தாய், அழ வைத்தாய், உணர்ச்சிவசப்பட வைத்தாய். இது உன் கேரியரில் மறக்க முடியாத ஒரு நடிப்பாக இருக்கும். கண்களில் கண்ணீருடன், பெருமிதமான புன்னகையோடு இதை சொல்கிறேன். உன்னை நினைத்து மிகவும் பெருமையாக இருக்கிறது.” என்று குறிப்பிட்டுள்ளார்.

கணவரின் இந்த பாராட்டு பதிவு ரசிகர்களை நெகிழ்ச்சியடையச் செய்துள்ளது. பலரும் சமூக ஊடகங்களில் சுவாசிகாவுக்கு வாழ்த்துகளை தெரிவித்து வருகின்றனர். சினிமா துறையினரும் அவரது நடிப்பை பாராட்டி பதிவுகள் வெளியிட்டு வருகின்றனர்.

திரைப்படங்களில் பல்வேறு கதாபாத்திரங்களில் தனது திறமையை நிரூபித்துள்ள சுவாசிகா, 'நூறு சாமி' படத்தின் மூலம் மேலும் ஒரு வலுவான நடிப்பை வெளிப்படுத்தியுள்ளதாக ரசிகர்கள் கருத்து தெரிவித்து வருகின்றனர். இதனால், இந்தப் படம் அவரது திரைப்பயணத்தில் முக்கியமான மைல்கல்லாக அமையும் என்ற எதிர்பார்ப்பு அதிகரித்துள்ளது. அவரது கணவரின் அன்பும் ஆதரவும் கலந்த இந்த பதிவு தற்போது இணையத்தில் பேசுபொருளாக மாறியுள்ளது.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை