இந்தியாவிலேயே இதுதான் முதல்முறை!– பின்னணி இசையை நீங்களே தேர்வு செய்யலாம்..

மலையாள நடிகர் ஆண்டனி வர்கீஸ் (பெப்பே) முக்கிய வேடத்தில் நடித்துள்ள ‘காட்டாளன்’ திரைப்படத்தின் அதிரடியான டிரெய்லர் வெளியாகி ரசிகர்களின் கவனத்தை கவர்ந்து வருகிறது. தந்தக் கடத்தலை மையமாகக் கொண்ட இந்த படம், வித்தியாசமான கதைக்களத்தால் எதிர்பார்ப்பை உருவாக்கியுள்ளது.

க்யூப்ஸ் எண்டர்டெயின்மென்ட் தயாரிப்பில் உருவாகியுள்ள இந்த படத்தை பால் ஜார்ஜ் இயக்கியுள்ளார். இந்த படத்தில் துஷாரா விஜயன், சுனில், கபீர் துஹான் சிங் உள்ளிட்டோர் முக்கிய கதாபாத்திரங்களில் நடித்துள்ளனர்.

இந்த படத்தின் மிகப்பெரிய சிறப்பம்சமாக, இந்திய சினிமாவில் முதல்முறையாக பார்வையாளர்கள் தங்களுக்குப் பிடித்த பின்னணி இசையைத் தேர்வு செய்யும் வகையில் டிரெய்லர் வெளியிடப்பட்டுள்ளது. இந்த புதிய முயற்சி ரசிகர்களிடையே பெரும் வரவேற்பைப் பெற்றுள்ளது.

திரில்லர் மற்றும் ஆக்ஷன் அம்சங்களுடன் உருவாகியுள்ள ‘காட்டாளன்’ திரைப்படம், ரசிகர்களுக்கு புதுமையான அனுபவத்தை வழங்கும் என எதிர்பார்க்கப்படுகிறது. குறிப்பாக, ஆண்டனி வர்கீஸின் தீவிரமான நடிப்பு மற்றும் படத்தின் காட்சியமைப்பு டிரெய்லரிலேயே பெரும் தாக்கத்தை ஏற்படுத்தியுள்ளது.

மேலும், இந்த திரைப்படம் வருகிற மே மாதம் உலகம் முழுவதும் உள்ள திரையரங்குகளில் வெளியாகத் திட்டமிடப்பட்டுள்ளது. இதனால், ரசிகர்கள் படத்தின் வெளியீட்டை ஆவலுடன் எதிர்நோக்கி காத்திருக்கின்றனர்.