தென்னிந்திய சினிமாவில் முன்னணி நடிகையாக திகழும் ஹன்சிகா மோத்வானி சமீபத்தில் தனது தனிப்பட்ட வாழ்க்கை குறித்து திறந்த மனதுடன் பகிர்ந்த கருத்துகள் ரசிகர்களிடையே கவனத்தை ஈர்த்துள்ளன. கடந்த மார்ச் மாதம் சட்டப்படி விவாகரத்து பெற்ற அவர், ஒரு ஆங்கில ஊடகத்துக்கு அளித்த பேட்டியில் தனது வாழ்க்கையின் கடினமான தருணங்களை வெளிப்படையாக பகிர்ந்துள்ளார்.
அதில், கடந்த இரண்டு ஆண்டுகள் தனது வாழ்க்கையில் மிகவும் இருண்ட காலமாக இருந்ததாக அவர் தெரிவித்துள்ளார். அந்த காலத்தில் மன அழுத்தம் அதிகமாக இருந்ததாகவும், அதிலிருந்து மீள தனது தாய் மற்றும் சகோதரர் அளித்த ஆதரவு மிகப் பெரியதாக இருந்ததாகவும் கூறியுள்ளார். குடும்பத்தின் உறுதுணை தான் தன்னை மீண்டும் நிம்மதியான நிலைக்கு கொண்டு வந்தது என அவர் உணர்ச்சியுடன் பகிர்ந்துள்ளார்.
மேலும், தவறான உறவில் இருப்பது ஒருவரின் மனநிலையை மிகவும் பாதிக்கக்கூடியது என்றும், அந்த உறவிலிருந்து வெளியேறுவது தான் சரியான முடிவு என்றும் அவர் வலியுறுத்தியுள்ளார். தற்போது அந்த வேதனையான நினைவுகளை கடந்து, அமைதியான மற்றும் மகிழ்ச்சியான வாழ்க்கையை வாழ்ந்து வருகிறேன் எனவும் தெரிவித்துள்ளார்.
ஹன்சிகாவின் இந்த நேர்மையான பகிர்வு பலருக்கும் ஊக்கமளிக்கும் வகையில் அமைந்துள்ளது. அவரது இந்த கருத்துக்கள் சமூக வலைத்தளங்களில் வேகமாக பரவி வைரலாகி வருகின்றன.
.png)
.png)
Listen News!