தெலுங்கு திரையுலகில் முன்னணி நட்சத்திரமாக விளங்கி வரும் அல்லு அர்ஜுன் அவர்களின் தம்பியும், நடிகருமான அல்லு சிரிஷ் திருமணம் வரும் மார்ச் 6ஆம் தேதி நடைபெற உள்ளது. இந்த திருமணத்தை முன்னிட்டு குடும்பத்தினர் பல்வேறு நிகழ்ச்சிகளை சிறப்பாக ஏற்பாடு செய்து வருகின்றனர். தொடர்ந்து ஒரே நாளில் அனைத்து விழாக்களையும் நடத்தாமல், இடைவெளியுடன் கொண்டாட்டங்களை திட்டமிட்டு நடத்துவது அனைவரின் கவனத்தையும் ஈர்த்துள்ளது.
திருமண விழாவை ஒரு நீண்ட கொண்டாட்டமாக மாற்றியுள்ள அல்லு குடும்பம், ஒவ்வொரு நிகழ்வையும் தனித்துவமாகவும், பிரம்மாண்டமாகவும் நடத்தி வருகிறது. சமீபத்தில் நடைபெற்ற திருமண வரவேற்பு விழா, தெலுங்கு சினிமா உலகையே ஒன்றுகூட்டிய நிகழ்வாக அமைந்தது.
நேற்று நடைபெற்ற திருமண வரவேற்பு நிகழ்ச்சி மிகுந்த ஆடம்பரத்துடன் நடைபெற்றது. திரைப்படத் துறையைச் சேர்ந்த பல முக்கிய பிரபலங்கள் இதில் கலந்து கொண்டு மணமக்களை வாழ்த்தினர். குறிப்பாக, பாலகிருஷ்ணா , சிரஞ்சீவி , நாகார்ஜுனா, ராம் சரண் மற்றும் அட்லீ உள்ளிட்டோர் கலந்துகொண்டது விழாவிற்கு மேலும் சிறப்பு சேர்த்தது.
சினிமா துறையின் மூத்த மற்றும் இளம் தலைமுறை நட்சத்திரங்கள் ஒரே மேடையில் சந்தித்த இந்த நிகழ்வு, ரசிகர்களிடையே பெரும் உற்சாகத்தை ஏற்படுத்தியுள்ளது. சமூக வலைத்தளங்களில் பகிரப்பட்ட புகைப்படங்களில், பிரபலங்கள் அனைவரும் மகிழ்ச்சியுடன் மணமக்களுடன் போஸ் கொடுத்திருப்பது காணப்படுகிறது. இந்த புகைப்படங்கள் தற்போது இணையத்தில் வைரலாகி வருகின்றன.
_69aba5ee38eeb.jpg)
_69aaa84c3ea66.jpg)
.png)
.png)
Listen News!