சாணிக்காயிதம் படத்தில் இந்த காட்சிகள் எதுவும் இல்லையா?- அட ட்ரெய்லர் காட்சிகள் தான் இல்லையாம்

‘ராக்கி’என்னும் திரைப்படத்தை இயக்கியதன் மூலம் இயக்குநராக அறிமுகமானவர் அருண் மாதேஸ்வரன். இப்படத்திற்கு கிடைத்த வரவேற்பைத் தொடர்ந்து ‘சாணி காயிதம்’என்னும் திரைப்படத்தை இயக்கியுள்ளார்.

இப்படத்தில் இயக்குநர் செல்வராகவன் மற்றும் கீர்த்தி சுரேஷ் ஆகியோர் முக்கிய கதாப்பாத்தில் நடித்து உள்ளனர். இந்தத் திரைப்படம் சில காரணங்களால் திரையரங்குகளில் வெளியிடப்படுவதைத் தவிர்த்து OTT-யில் வெளியிட படக்குழு திட்டமிடப்பட்டுள்ளது.

மேலும், அருண் மாதேஸ்வரன், செல்வராகவன் மற்றும் கீர்த்தி சுரேஷுடன் ‘சாணி காயிதம்’ படத்தில் பணிபுரிந்தது குறித்து ஒரு பேட்டியில் பேசுகையில், நான் செல்வராகவனை சந்தித்து கதையைச் சொன்னேன், அவரும் விரும்பினார் மற்றும் அவர் படத்தில் கையெழுத்திட்டார்.

அந்த வகையில், படத்தின் தலைப்பு குறித்து அருண் மாதேஸ்வரன் மேலும் கூறுகையில், “படத்தின் மையக்கதை தொடர்புடையதாக இருக்கலாம் என்று ‘சாணி காயிதம்’ என்ற தலைப்பை தேர்வு செய்தோம். கதை சற்று மிருகத்தனமாக இருந்ததால் தணிக்கையாளரிடம் இருந்து ‘A’ சான்றிதழ் பெற்றுள்ளது.

இந்நிலையில், இப்படத்தின் சில காட்சிகள் வெட்டப்பட்டுள்ளன. அடல்ட் சர்டிபிகேட் கொடுத்தாலும், சென்சார் போர்டு படத்தில் இருந்து நீக்கப்பட்ட காட்சிகளை ஏற்க முடியாது, ஆனால் நிலைமை மாறும் என நம்புகிறேன். அதேபோல், ட்ரெய்லரில் அனைவரும் பார்த்த காட்சிகள் படத்தில் இருக்காது என்று கூறினாராம். இதனால் ரசிகர்கள் அதிர்ச்சியடைந்துள்ளனர் என்பதும் குறிப்பிடத்தக்கது.