இரவெல்லாம் தூங்கவே முடியல.. மேடையில் கண்கலங்கிய நடிகை பூமிகா.! நடந்தது என்ன.?

தமிழ் மற்றும் தெலுங்கு சினிமாவில் முன்னணி நடிகையாக திகழும் பூமிகா சமீப காலமாக ரசிகர்களின் மனதில் தனித்துவமான இடத்தை பிடித்து கொண்டுள்ளார். தற்போது இவர் அக்கா, அண்ணி போன்ற வேடங்களில் நடித்து வருகிறார். அதே சமயம், அவர் நடித்த ‘யுபோரியா’ திரைப்படம் தற்போது திரையரங்குகளில் வெளியான நிலையில், படவிழா நிகழ்ச்சி நடந்தது, அந்த விழாவில் நடந்த சம்பவங்கள் ரசிகர்களையும் செய்தியாளர்களையும் பெரிதும் கவனிக்க வைத்தது.

ஐதராபாத்தில் நடைபெற்ற படவிழாவில் பூமிகா மேடையில் பேசும்போது, ஒரு கட்டத்தில் அவர் உணர்ச்சிவசப்பட்டார்.

அதாவது, " இந்த படத்தில் நடிக்கத் தொடங்கியது முதல் என்னால் நிம்மதியாக தூங்கமுடியவில்லை. நள்ளிரவில் தூக்கம் வராமல் அவதிப்படுகிறேன்." என்று பேசிக்கொண்டே அழத் தொடங்கினார்.

இந்த நிகழ்வு, இப்படத்தின் கதையின் வலிமை மற்றும் உண்மை சம்பவங்களை கையாண்டு உருவாக்கப்பட்ட தன்மை பற்றிய நேரடி சாட்சியமாகக் கருதப்படுகிறது. ‘யுபோரியா’ என்பது சிறுமிகள் மற்றும் பெண்கள் மீது நடைபெற்ற பாலியல் வன்கொடுமைகள் சம்பந்தப்பட்ட உண்மை சம்பவங்களை பின்பற்றி உருவாக்கப்பட்ட படம். இதனால் கதையின் பாதிப்பு நடிகை பூமிகாவை நேரடியாக தாக்கியது என்பது பின்புலமாக தெரிகிறது.

இந்த திரைப்படத்தை குணசேகர் இயக்கியுள்ளார். அவர் கதையை உண்மையான சம்பவங்களை முன்வைத்து சினிமா வடிவில் வெளிப்படுத்த முயற்சி செய்துள்ளார். இப்படத்தில் பூமிகா, சாரா அர்ஜூன், பிருத்வி உள்ளிட்ட பலர் முக்கிய கதாபாத்திரங்களில் நடித்துள்ளனர். அவர்களின் நடிப்பு மற்றும் காட்சிகள், கதையின் உண்மைபாணியை வலுப்படுத்தும் விதமாக அமைந்துள்ளது.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை