விஜய் டிவியில் ஒளிபரப்பாகி வரும் ’குக் வித் கோமாளி’ நிகழ்ச்சி மிகப்பெரிய வரவேற்பை பெற்ற நிலையில் இந்த நிகழ்ச்சியின் நான்கு சீசன்களும் சூப்பர் ஹிட் ஆகியது. இந்த நிலையில் 5வது சீசன் மார்ச் மாதம் முதல் தொடங்கும் என்று எதிர்பார்க்கப்பட்ட நிலையில் தற்போது இது தொடர்பான அதிர்ச்சி தகவல் கிடைத்துள்ளது.
இந்த நிகழ்ச்சியின் அறிவிப்பு வெளியாகாமல் இருப்பது பார்வையாளர்களுக்கு அதிருப்தியை ஏற்படுத்தி உள்ளது. இருப்பினும் 5வது சீசனின் பணிகள் நடைபெற்றுக் கொண்டிருப்பதாகவும் விரைவில் இது குறித்த அப்டேட் நியூஸ் கிடைப்பதாகவும் இணையங்களில் தகவல்கள் வலம் வருகின்றன.
இந்த நிகழ்ச்சியில் கோமாளிகள் ஒரு பக்கம் காமெடி செய்தாலும் நிகழ்ச்சியின் வழியாக செஃப் தாமுவும், செஃப் வெங்கடேஷ் பட் இருவரும் நம்மை என்டர்டெயின் செய்து வந்தனர். ஸ்ட்ரிக்ட் ஆன நடுவர்களாக நாம் பார்த்துப் பழகியவர்கள் இந்த நிகழ்ச்சியில் போட்டியாளர்களுடனும், கோமாளிகளுடனும் சரிசமமாக நகைச்சுவையை அள்ளித் தெளித்து அவர்களுடைய இன்னொரு பரிமாணத்தைக் காட்டினார்கள்.
தற்போது அந்த நிகழ்ச்சியிலிருந்து இரண்டு நடுவர்களும் விலகி இருக்கிறார்கள். சன் டிவியில் புதிதாக வரவிருக்கிற ரியாலிட்டி ஷோ ஒன்றில் இவர்கள் இருவரும் நடுவர்களாக வர இருக்கிறார்கள் என ஒருபுறம் சமூகவலைதள பக்கங்களில் தகவல்கள் பரவி வருகின்றன. எந்த நிகழ்ச்சியின் வழியாக இருவரும் நம்மை என்டர்டெயின் செய்யப் போகிறார்கள் என்பதை இருவரும் விரைவில் அதிகாரப்பூர்வமாக அறிவிப்பார்கள் என எதிர்பார்க்கப்படுகிறது.
_65ddc6502c04e.jpg)
.png)
.png)
Listen News!