இதில் ரீமேக்கெல்லாம் கிடையாது.. முழுக்க முழுக்க புதிய ஐடியா..! வெங்கட் பிரபு சொன்ன சீக்ரெட்

விஜய் நடிக்கும் 'கிரேட்டஸ்ட் ஆஃப் ஆல் டைம்' படத்தின் படப்பிடிப்பு விறுவிறுப்பாக இடம்பெற்று வரும் நிலையில், அதன் இயக்குநர் வெங்கட் பிரபு சூப்பர் அப்டேட் ஒன்றை கொடுத்துள்ளார்.

பா. ரஞ்சித் தயாரிக்கும் 'ஜே.பேபி' படத்தின் இசை வெளியீட்டு விழா சென்னையில் நடைபெற்றது. இதில் கலந்துகொண்ட பின் செய்தியாளர்களிடம் விஜயின் கோட் படம் பற்றி பேசியுள்ளார் வெங்கட் பிரபு.

அதன்படி அவர் கூறுகையில், விஜய் நடிக்கும் 'கிரேட்டஸ்ட் ஆஃப் ஆல் டைம்' படம் இறுதி கட்டத்தை நோக்கி சென்று கொண்டுள்ளது. முதல் சிங்கிள் மே மாதம் வெளியாகலாம். இப்படம் ரீமேக் எல்லாம் கிடையாது. புதிய ஐடியா.

இந்த மாதத்துடன் படத்தின் கிளைமாக்ஸ் முடிந்துவிடும். அடுத்த ஒரு வெளிநாட்டு ஷெட்யூல் மட்டும்தான் உள்ளது. அத்துடன் படம் முடிந்துவிடும். இதில் நிறைய பாடல்கள் உள்ளன. நன்றாக என்ஜாய் பண்ணலாம். நிறைய நடிகர்களும் நடித்துள்ளார்கள்.

ஒரு ரசிகனாக விஜய் தொடர்ந்து படங்களில் நடிக்க வேண்டும் என்பதுதான் என்னுடைய ஆசை. நான் அவரிடமே சொல்லி இருக்கிறேன். படத்தில் நிறைய கிராபிக் வேலைகள் உள்ளன. தொழில்நுட்ப ரீதியாக நிறைய உழைப்பு தேவைப்படுகிறது. அதனால் இப்போது படம் வெளியிடுவது குறித்தோ மற்ற விவரங்கள் குறித்தோ சொல்ல முடியாது. பண்டிகை நாளில் படம் வெளியாகலாம் என மேலும் தெரிவித்துள்ளார்.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை