கெரியரில் ஏற்பட்ட திடீர் சறுக்கல்- ஒரு மாதத்திற்கு முடிவினை மாற்றிக் கொண்ட நடிகை பூஜா ஹெக்டே

தமிழ்த் திரையுலகில் ஜுவா நடிப்பில் வெளியான முகமூடி என்னும் படத்தின் மூலம் அறிமுகமாகியவர் தான் பூஜா ஹெக்டே. இப்படத்தில் கிடைத்த வரவேற்பைத் தொடர்ந்து தெலுங்கில் படவாய்ப்புகள் குவிந்ததால் அதில் பல படங்களை நடிப்பதில் ஆர்வம் காட்டி வந்தார்.

தொடர்ந்து தெலுங்கில் முன்னணி நடிகையாக வலம் வந்த இவர் தமிழில் தளபதி நடிப்பில் வெளியான பீஸ்ட் திரைப்படத்தின் மூலம் மீண்டும் அறிமுகமானார். இப்படம் தோல்வியைச் சந்தித்தது. இது மாத்திரமல்லாது தெலுங்கில் இவர் நடித்த ராதே ஷ்யாம், ஆச்சார்யா ஆகிய படங்களும் தோல்வியைச் சந்தித்தது.

இதனால் தற்பொழுது பூஜா ஹெக்டே கெரியரில் சறுக்கல் தான் ஏற்பட்டு இருக்கிறது. இந்நிலையில் தற்போது பூஜா ஹெக்டே ஒரு நீண்ட சுற்றுலாவுக்காக வெளிநாட்டுக்கு கிளம்பி இருக்கிறார். அவர் ஒரு மாதத்தில் மூன்று கண்டங்கள் மற்றும் நான்கு நகரங்களுக்கு செல்ல போவதாக குறிப்பிட்டு இன்ஸ்டாகிராமில் போட்டோ பதிவிட்டு இருக்கிறார்.

படவாய்ப்பில்லாததால் இவருடைய இந்த முடிவு ரசிகர்களை ஆச்சரியப்படுத்தியுள்ளதோடு கவனமாக சென்று வாருங்கள் எனக் கூறி வருவதையும் காணலாம்.

பிற செய்திகள்