நடிகை ராஷ்மிகா மந்தனா மற்றும் நடிகர் விஜய் தேவரகொண்டா குறித்து கடந்த சில ஆண்டுகளாகவே காதல் வதந்திகள் பரவி வந்தன. அந்த வதந்திகளுக்கு முற்றுப்புள்ளி வைக்கும் வகையில், கடந்த மாத இறுதியில் இருவரும் ரகசியமாக திருமணம் செய்து கொண்டனர். இதனைத் தொடர்ந்து, Hyderabad நகரில் இந்திய திரையுலகின் பல பிரபலங்கள் கலந்து கொண்ட பிரமாண்ட வரவேற்பு நிகழ்ச்சியும் நடைபெற்றது.
திருமணத்திற்குப் பிறகும், இந்த ஜோடி தொடர்ந்து தொழிலில் கவனம் செலுத்தி வருகின்றனர். குறிப்பாக, Manyavar நிறுவனத்தின் விளம்பரத்தில் இணைந்து நடித்த இருவரும், அதன் மூலம் பெரிய தொகையை சம்பாதித்ததாக செய்திகள் வெளியாகின. இதற்கிடையில், தற்போது இவர்களின் ஹனிமூன் பயணமும் வியாபார ரீதியாக பேசுபொருளாக மாறியுள்ளது.
Koh Samui தீவில் தங்கள் ஹனிமூனை கொண்டாடிய இந்த தம்பதியினர், அந்த அனுபவத்தை வீடியோவாக பதிவு செய்து வெளியிட்டுள்ளனர். ஆனால், சாதாரண ஹனிமூன் வீடியோவாக இல்லாமல், Airbnb நிறுவனத்தின் விளம்பரமாகவே அதை வெளியிட்டுள்ளனர்.
இந்த வீடியோவில், இருவரும் இயல்பான காதல் தருணங்களை பகிர்ந்து கொண்டிருப்பதுடன், அந்த இடம் “சொந்த வீட்டில் இருப்பது போன்ற உணர்வை அளித்தது” என ராஷ்மிகா தனது Instagram பக்கத்தில் குறிப்பிட்டுள்ளார்.
மொத்தத்தில், காதல், திருமணம், ஹனிமூன் என வாழ்க்கையின் முக்கிய தருணங்களையே ஸ்மார்டாக மாற்றிய இந்த ஜோடி, ரசிகர்களிடையே பெரும் கவனத்தை ஈர்த்துள்ளது.
.png)
.png)
Listen News!