தமிழ் சினிமாவில் நகைச்சுவை மற்றும் குடும்ப பொழுதுபோக்கு திரைப்படங்களுக்கு தனித்துவமான இடத்தைப் பிடித்த இயக்குநர் ராஜேஷ் மற்றும் நடிகர் ஜீவா கூட்டணி மீண்டும் இணைந்துள்ளது ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.
இயக்குநர் ராஜேஷ் இயக்கத்தில் உருவாகி வரும் ‘ஜாலியா இருந்த ஒருத்தன்’ திரைப்படத்தில் நடிகர் ஜீவா கதாநாயகனாக நடித்து வருகிறார். அவரது திரைப்பயணத்தில் 47வது படமாக உருவாகும் இந்த திரைப்படம் தற்போது இறுதிக்கட்ட பணிகளில் விறுவிறுப்பாக முன்னெடுக்கப்பட்டு வருகிறது.
ஜீவாவின் சினிமா வாழ்க்கையில் மிகப்பெரிய திருப்புமுனையை ஏற்படுத்திய படங்களில் ஒன்றாக ‘சிவா மனசுல சக்தி’ திரைப்படம் கருதப்படுகிறது. 2009ஆம் ஆண்டு வெளியான அந்த திரைப்படம் இளைஞர்கள் மத்தியில் மிகப்பெரிய வரவேற்பைப் பெற்று, ஜீவா - ராஜேஷ் கூட்டணியை வெற்றிக் கூட்டணியாக மாற்றியது.
அந்த வெற்றிக்குப் பிறகு சுமார் 16 ஆண்டுகள் கழித்து இந்த இருவரும் மீண்டும் இணைந்திருப்பது ரசிகர்களிடையே மிகுந்த ஆர்வத்தை உருவாக்கியுள்ளது. குறிப்பாக, ராஜேஷின் நகைச்சுவை பாணியும் ஜீவாவின் இயல்பான நடிப்பும் மீண்டும் திரையில் என்ன மாயம் செய்யப் போகிறது என்ற எதிர்பார்ப்பு அதிகரித்துள்ளது.
இந்த திரைப்படத்திற்கு இசையமைப்பாளர் யுவன் சங்கர் ராஜா இசையமைத்துள்ளார். மேலும், இணைய உலகில் பிரபலமான பரிதாபங்கள் சுதாகர் உள்ளிட்ட பலரும் முக்கிய கதாபாத்திரங்களில் நடித்துள்ளனர்.
இந்த நிலையில், ‘ஜாலியா இருந்த ஒருத்தன்’ திரைப்படத்தின் டீசர் இன்று 21ஆம் திகதி காலை 11.11 மணிக்கு வெளியாகவுள்ளதாக அதிகாரப்பூர்வமாக அறிவிக்கப்பட்டுள்ளது.
வெற்றிக் கூட்டணி மீண்டும் கைகோர்த்திருப்பதாலும், நகைச்சுவை கலந்த பொழுதுபோக்கு படமாக உருவாகி வருவதாலும், இந்த டீசர் மற்றும் திரைப்படம் ரசிகர்களின் எதிர்பார்ப்பை பூர்த்தி செய்யுமா என்ற கேள்வி தற்போது சினிமா வட்டாரங்களில் பரவலாக பேசப்பட்டு வருகிறது.
Jollya oru Sambavam 😉
The official teaser of #JolliyaIrunthaOruthan is dropping tomorrow at 11:11 AM!
Produced by @malikstreams #datoabdulmalik
Co Produced by @Razikahamed16
Starring @jiivaofficial
A @rajeshmdirector Film
An @thisisysr Musical@i__ivana… pic.twitter.com/n4YZkER0ie
.png)
.png)
Listen News!