தமிழ் சினிமாவின் முன்னணி நடிகரான சூர்யா சிறப்பான இயக்குநர் கார்த்திக் சுப்புராஜுடன் இணைந்து நடித்துள்ள முதல் படம் ‘ரெட்ரோ’. இந்நிலையில், இப்படம் இன்று உலகம் முழுவதும் திரையரங்குகளில் மிகுந்த எதிர்பார்ப்புடன் வெளியாகியுள்ளது.
சூர்யாவின் ரசிகர்கள் மட்டுமல்லாமல், சினிமா வட்டாரங்களும் இந்தக் கூட்டணியைப் பெரிதும் எதிர்பார்த்த நிலையில், முதல் நாளில் இப்படம் எவ்வளவு வசூல் செய்துள்ளது என்பது பற்றிய தகவல் தற்போது வெளியாகியுள்ளது.
கார்த்திக் சுப்புராஜ் இயக்கியுள்ள ‘ரெட்ரோ’ திரைப்படம், 1970 களின் பின்புலத்தில் ஒரு காதல் மற்றும் ஆக்ஷன் கலந்த படம். சூர்யா இப்படத்தில் நுட்பமான நடிப்பை வெளிக்கொண்டு வந்ததுடன் அவருக்கு ஜோடியாக பூஜா ஹெக்டே நடித்துள்ளார். மேலும் ஜெயராம், ஜோஜு ஜார்ஜ், கருணாகரன், நாசர் உள்ளிட்டோர் முக்கிய கதாப்பாத்திரங்களில் நடித்துள்ளனர்.
திரைப்படம் வெளியான பிறகு ரசிகர்களிடையே பல விமர்சனங்கள் வெளியாகியுள்ளன. அந்தவகையில் சிலர் கதை அமைப்பை மெதுவாக நகரும், அதிக பீலிங் இல்லாத விமர்சனம் என கருத்துத் தெரிவித்து வருகின்றனர். அதேவேளை சிலர் சூர்யாவின் நடிப்பு சூப்பராக இருந்தது என்றும் கூறியுள்ளனர்.
திரைப்பட விமர்சனங்களைத் தாண்டி, சூர்யாவின் படம் குறித்து பெரிய எதிர்பார்ப்பு இருந்த நிலையில், ‘ரெட்ரோ’ திரைப்படம் முதல் நாள் உலகளவில் ரூ.25 கோடி முதல் ரூ.30 கோடி வரை வசூலித்திருக்கலாம் என துணை தயாரிப்பு நிறுவனங்கள் மற்றும் திரையரங்க சங்கங்கள் வழங்கும் தகவல்கள் கூறுகின்றன. இது சூர்யா ரசிகர்களை மிகுந்த மகிழ்ச்சிப்படுத்தியுள்ளது.
_684e76ba987e0.jpg)
_684e4ea8c9ed2.webp)
_684d39dd1f5b4.webp)
.png)
.png)
Listen News!