இந்த வாரம் ஓடிடி ரசிகர்களுக்கு செம விருந்து காத்திருக்கிறது. திரையரங்குகளில் மாபெரும் வரவேற்பைப் பெற்று வசூல் சாதனை படைத்த நடிகர் சூர்யாவின் 'கருப்பு' திரைப்படம் தற்போது ஓடிடி வெளியீட்டுக்கு தயாராகியுள்ளது.
இயக்குநர் ஆர்.ஜே. பாலாஜி இயக்கத்தில் உருவான இந்த படத்தில் சூர்யாவுடன் த்ரிஷா முக்கிய கதாபாத்திரத்தில் நடித்துள்ளார். ஆக்ஷன், உணர்ச்சி மற்றும் விறுவிறுப்பான திரைக்கதையால் ரசிகர்களை கவர்ந்த இந்த படம், ஜூன் 12 முதல் அமேசான் பிரைமில் ஸ்ட்ரீமிங் ஆகிறது.
அதேபோல், ஓடிடி ரசிகர்களிடையே நல்ல வரவேற்பைப் பெற்ற 'Sshhh' தமிழ் ஆந்தாலஜி வெப் சீரிஸின் மூன்றாவது சீசனும் இந்த வாரம் வெளியாகிறது. பல்வேறு திகில் மற்றும் மர்மக் கதைகளை மையமாகக் கொண்டு உருவாகியுள்ள இந்த தொடரில் பூனம் பஜ்வா, கிரண் ரத்தோர், திவ்யா கணேசன் உள்ளிட்டோர் நடித்துள்ளனர். இந்த தொடர் ஆஹா ஓடிடி தளத்தில் வெளியாக உள்ளது.
மேலும், இயக்குநர் பிரியதர்ஷன் மற்றும் பாலிவுட் நட்சத்திரம் அக்ஷய் குமார் ஆகியோரின் கூட்டணியில் 14 ஆண்டுகளுக்குப் பிறகு உருவான புதிய ஹாரர்-காமெடி திரைப்படமும் ஜூன் 12ஆம் தேதி நெட்பிளிக்ஸ் தளத்தில் வெளியாகிறது. நகைச்சுவை மற்றும் திகில் கலந்த இந்த படம் ரசிகர்களிடையே அதிக எதிர்பார்ப்பை ஏற்படுத்தியுள்ளது.
இதனால் இந்த வார ஓடிடி ரேஸில் சூர்யாவின் 'கருப்பு' திரைப்படமே அதிக கவனத்தை ஈர்க்கும் படைப்பாக இருக்கும் என ரசிகர்கள் எதிர்பார்த்து வருகின்றனர். OTT-யில் என்ன பார்க்கலாம் என்று யோசிப்பவர்களுக்கு இந்த வாரம் சிறந்த பொழுதுபோக்கு உறுதி.
.png)
.png)
Listen News!