தமிழ் மற்றும் தெலுங்கு திரையுலகில் மெதுவாக தன்னுடைய இடத்தைப் பிடித்து வருகிற இளம் நடிகைகளில் ஒருவராக திகழ்கிறார் கயாடு லோகர். தனது இயல்பான நடிப்பு மற்றும் திரை முன்னிலையில் காட்டும் நம்பிக்கையான தோற்றத்தால் ரசிகர்களின் கவனத்தை ஈர்த்து வரும் அவர், தற்போது தனது அடுத்தடுத்த படங்கள் குறித்து வெளியிட்டுள்ள அப்டேட் ரசிகர்களிடையே உற்சாகத்தை ஏற்படுத்தியுள்ளது.
அண்மையில் அளித்த பேட்டியில், தமிழ் மற்றும் தெலுங்கு என இரு மொழிகளிலும் முக்கியமான திட்டங்களில் ஈடுபட்டு வருவதாக கயாடு லோஹர் தெரிவித்துள்ளார். தமிழில், அதர்வா உடன் ‘இதயம் முரளி’ என்ற படத்தில் நடித்துக் கொண்டிருப்பதாகவும், அந்த படம் ஒரு உணர்ச்சி மிக்க காதல் கதையாக உருவாகி வருவதாகவும் கூறியுள்ளார். இந்த கூட்டணி ரசிகர்களிடையே ஏற்கனவே எதிர்பார்ப்பை உருவாக்கி வருகிறது.
அதேபோல், தெலுங்கில் முன்னணி நடிகரான நானி உடன் ‘பாரடைஸ்’ (Paradise) என்ற படத்தில் நடித்துவருவதாகவும் அவர் தெரிவித்துள்ளார். நானியுடன் இணைந்து நடிப்பது தனது கரியரில் ஒரு முக்கியமான வாய்ப்பாக இருப்பதாகவும், இந்த படம் மூலம் தெலுங்கு ரசிகர்களிடமும் மேலும் நெருக்கமாக இருப்பேன் என்ற நம்பிக்கையையும் வெளிப்படுத்தியுள்ளார்.
இந்த இரண்டு படங்களுமே கயாடு லோஹரின் திரைப்பயணத்தில் முக்கியமான மைல்கற்களாக அமையும் என எதிர்பார்க்கப்படுகிறது. குறிப்பாக, தமிழ் மற்றும் தெலுங்கு ஆகிய இரு மொழிகளிலும் ஒரே நேரத்தில் பணியாற்றுவது அவரது திறமையையும், வளர்ந்து வரும் மார்க்கெட்டையும் வெளிப்படுத்துகிறது. இளம் வயதிலேயே பல்வேறு கதாபாத்திரங்களை தேர்வு செய்து, தன்னை ஒரு பல்திறன் கொண்ட நடிகையாக உருவாக்கிக் கொள்ள முயற்சி செய்வது குறிப்பிடத்தக்கது.
மேலும், தனது கதாபாத்திரங்களை தேர்வு செய்யும் போது கதையின் வலிமை மற்றும் அந்த பாத்திரத்தின் முக்கியத்துவத்தை முன்னிலைப்படுத்துவதாகவும் அவர் தெரிவித்துள்ளார். ரசிகர்களுக்கு புதுமையான கதைகளையும், வித்தியாசமான நடிப்பையும் வழங்க வேண்டும் என்பது தான் தனது குறிக்கோள் என்றும் கூறியுள்ளார்.
_69c366e26b621.webp)
_69c21ecd0e718.webp)
.png)
.png)
Listen News!