2026 ஆம் ஆண்டுக்கான தமிழ்நாடு சட்டமன்ற பொதுத் தேர்தல் 2026 நேற்று நடைபெற்ற நிலையில், மாநிலம் முழுவதும் வாக்காளர்கள் ஆர்வத்துடன் பங்கேற்று ஜனநாயகப் பொறுப்பை நிறைவேற்றியுள்ளனர். தேர்தல் ஆணையம் வெளியிட்ட தகவலின்படி, மொத்தமாக 84.69 சதவீதம் வாக்குப்பதிவு நடைபெற்றுள்ளது என்பது குறிப்பிடத்தக்கது. இது மக்களின் அரசியல் விழிப்புணர்வு அதிகரித்திருப்பதற்கான ஒரு முக்கிய அறிகுறியாக பார்க்கப்படுகிறது.
இந்த தேர்தலில் நடிகரும் விஜய் தலைமையிலான தமிழக வெற்றிக் கழகம் முதல் முறையாக களமிறங்கியுள்ளது. குறிப்பாக, விஜய் சென்னை பெரம்பூர் மற்றும் திருச்சி கிழக்கு ஆகிய இரண்டு முக்கிய தொகுதிகளில் போட்டியிடுகிறார். இந்த இரண்டு தொகுதிகளிலும் வாக்குப்பதிவு விகிதம் கவனிக்கத்தக்க அளவில் உள்ளது.
பெரம்பூர் தொகுதியில் 89.71 சதவீத வாக்குப்பதிவு பதிவாகியுள்ளது. இது அந்த பகுதியில் வாக்காளர்களின் அதிக ஈடுபாட்டை வெளிப்படுத்துகிறது. அதேபோல், திருச்சி கிழக்கு தொகுதியில் 81.77 சதவீத வாக்குப்பதிவு நடைபெற்றுள்ளது. இந்த தொகுதியில் மொத்தம் 2,55,051 வாக்காளர்கள் உள்ளனர். அதில் சுமார் 2,08,559 பேர் வாக்களித்திருக்கலாம் என்று கணிக்கப்படுகிறது.
மொத்தத்தில், இந்த தேர்தல் தமிழக அரசியல் வரலாற்றில் முக்கியமான ஒன்றாக அமைந்துள்ளது. குறிப்பாக புதிய கட்சிகள் மற்றும் புதிய முகங்கள் போட்டியிடுவதால், தேர்தல் முடிவுகள் மீது மக்கள் அதிக ஆர்வத்துடன் காத்திருக்கின்றனர். விஜயின் அரசியல் பயணம் இந்த தேர்தலின் மூலம் எந்த திசையில் செல்லும் என்பது தேர்தல் முடிவுகளின் மூலம் தெளிவாகும்.
.png)
.png)
Listen News!