வில்லியாக களம் இறங்கும் பிரியங்கா சோப்ரா.. எந்தப் படத்தில் தெரியுமா.?

சூப்பர் ஹீரோக்களின் உலகில் பெரும் புகழ் பெற்ற ‘பவர் ரேஞ்சர்ஸ்’ தொடர் 1993ஆம் ஆண்டு உலகம் முழுவதும் ரசிகர்களை மயக்கும் வகையில் வெளியாகி இருந்தது. உலகம் முழுவதும் சிறுவர்கள் முதல் பெரியோர் வரை அனைவரும் பவர் ரேஞ்சர்ஸ் குழுவின் சாகசங்களை பார்த்து உற்சாகம் அடைந்தனர். இந்தியாவில் மட்டுமின்றி, உலகின் பல இடங்களில் இதன் ரசிகர்கள் உள்ளனர்.

இந்த தொடரின் பிரபலத்தையும், ரசிகர்களின் ஆர்வத்தையும் மீண்டும் உயிர்ப்பிக்க, Disney+ நிறுவனம் புதிய வடிவில் ‘பவர் ரேஞ்சர்ஸ் ரீபூட்’ தொடர் தயாரிப்பைத் தொடங்க திட்டமிட்டுள்ளது.

‘பவர் ரேஞ்சர்ஸ் ரீபூட்’ தொடரின் படப்பிடிப்பு இம்மாதம் ஆரம்பிக்கப்படும் என்று தகவல்கள் வெளியாகியுள்ளன. அத்துடன், இந்த தொடர் 2026 இறுதியில் Disney+ பிளாட் ஃபார்மில் வெளியாகும் வாய்ப்புள்ளது எனவும் கூறப்பட்டுள்ளது.

இந்த ரீபூட், புதிய தலைமுறையை கவர்ந்து, பவர் ரேஞ்சர்ஸ் உரிமையை மீண்டும் உயிர்ப்பிக்கும் என உறுதிப்படுத்தப்பட்டுள்ளது. புதிய கதைகள், மேம்பட்ட விசுவல் எஃபெக்ட்ஸ், அதிரடியான சாகசங்கள் ஆகியவை இதன் முக்கிய அம்சங்களாக இருக்கும் என எதிர்பார்க்கப்படுகிறது.

பவர் ரேஞ்சர்ஸ் தொடரின் முக்கிய வில்லியான “ரீட்டா ரிபுல்சா” கதாபாத்திரம் மீண்டும் ரீபூட்டில் முக்கிய பங்கு வகிக்கும் என்று Disney+ தகவல்கள் தெரிவிக்கின்றன. இதற்காக, பிரியங்கா சோப்ராவை நடிக்க வைக்க Disney+ நிறுவனம் பேச்சுவார்த்தைகளை மேற்கொண்டு வருவதாகவும் தகவல்கள் பரவி வருகின்றன.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை