தமிழ் சினிமாவில் முன்னணி இசையமைப்பாளராக வலம் வரும் அனிருத், இன்று தனது பிறந்தநாளைக் கொண்டாடி வரும் நிலையில், அவரது சொத்து மதிப்பு குறித்த தகவல்கள் ரசிகர்கள் மத்தியில் கவனம் பெற்றுள்ளன.
தனுஷ் நடிப்பில் வெளியான ‘3’ திரைப்படத்தின் மூலம் இசையமைப்பாளராக அறிமுகமான அனிருத், தனது முதல் படத்திலேயே ‘Why This Kolaveri Di’ பாடல் மூலம் உலகளவில் கவனம் பெற்றார். அதனைத் தொடர்ந்து, பல முன்னணி நடிகர்களின் திரைப்படங்களுக்கு இசையமைத்து, தமிழ் சினிமாவில் தனக்கென ஒரு இடத்தைப் பிடித்தார்.
ரஜினிகாந்த், விஜய், அஜித் உள்ளிட்ட முன்னணி நடிகர்களின் படங்களுக்கு இசையமைத்து வரும் அனிருத்தின் பாடல்களும் பின்னணி இசையும் ரசிகர்களிடையே பெரும் வரவேற்பைப் பெற்று வருகின்றன. அதேவேளை, அவரது இசை குறித்து சில விமர்சனங்களும் எழுந்தாலும், அவரது வாய்ப்புகளும் பிரபலமும் தொடர்ந்து அதிகரித்து வருகின்றன.
இந்நிலையில், அவரது இசையில் உருவான ‘ஜெயிலர் 2’ திரைப்படம் வெளியாகியுள்ளதால், ரசிகர்கள் மத்தியில் அவரது இசை குறித்த எதிர்பார்ப்பும் அதிகரித்துள்ளது. படத்தின் வெற்றிக்கு அனிருத்தின் இசையும் முக்கிய பங்களிப்பை வழங்கியுள்ளதாக ரசிகர்கள் கருத்து தெரிவித்து வருகின்றனர்.
இன்று தனது 36ஆவது பிறந்தநாளைக் கொண்டாடும் அனிருத்துக்கு திரையுலகப் பிரபலங்களும் ரசிகர்களும் வாழ்த்துகளைத் தெரிவித்து வருகின்றனர். மேலும், அவர் திருவண்ணாமலையில் கேக் வெட்டி பிறந்தநாளைக் கொண்டாடியதாகவும் கூறப்படுகிறது.
இதற்கிடையில், ஒரு திரைப்படத்துக்கு சுமார் 10 கோடி ரூபாய் வரை சம்பளம் பெறுவதாகவும், அவரது மொத்த சொத்து மதிப்பு சுமார் 100 கோடி ரூபாய் எனவும் தகவல்கள் வெளியாகியுள்ளன. எனினும், இந்தத் தொகைகள் அதிகாரப்பூர்வமாக உறுதிப்படுத்தப்படவில்லை.
.png)
.png)
Listen News!