நடிகர் ஜெய் நடிப்பில் உருவாகவுள்ள புதிய திரைப்படத்தின் படப்பிடிப்பு இன்று பூஜையுடன் தொடங்கியுள்ள நிலையில், இப்படம் குறித்த தகவல் தற்போது திரையுலகினர் மற்றும் ரசிகர்கள் மத்தியில் கவனம் பெற்று வருகின்றது.
தமிழ் சினிமாவில் வித்தியாசமான கதைகளைத் தேர்ந்தெடுத்து நடித்து வரும் நடிகர் ஜெய், தற்போது புதிய திரைப்படம் ஒன்றில் நடிக்கவுள்ளார். அறிமுக இயக்குநர் சிவ பிரசன்னா இயக்கும் இத்திரைப்படத்தில் நடிகை டெல்னா டேவிஸ் கதாநாயகியாக நடிக்கவுள்ளதாக அறிவிக்கப்பட்டுள்ளது.
குறித்த திரைப்படத்தின் படப்பிடிப்பு தென்காசியில் இன்று (13) பூஜையுடன் ஆரம்பமாகியுள்ளது. இதற்கான ஆரம்பகட்ட பணிகள் நிறைவடைந்த நிலையில், படக்குழுவினர் படப்பிடிப்பைத் தொடங்கியுள்ளனர்.
மேலும், இப்படம் திகில் மற்றும் நகைச்சுவை கலந்த ஹாரர் காமெடி ஜானரில் உருவாகவுள்ளதாகத் தெரிவிக்கப்பட்டுள்ளது. திகில் காட்சிகளுடன் ரசிகர்களைச் சிரிக்க வைக்கும் நகைச்சுவை அம்சங்களும் படத்தில் இடம்பெறும் என எதிர்பார்க்கப்படுகின்றது.
இத்திரைப்படத்தைத் தியாகராஜா டாக்கீஸ் தயாரிப்பு நிறுவனத்தின் மூலம் ஏ.எம். பிரபாகரன் தயாரிக்கின்றார். புதிய இயக்குநருடன் ஜெய் இணைந்துள்ளமை இப்படத்தின் மீதான எதிர்பார்ப்பை அதிகரித்துள்ளது.
இதேவேளை, படத்தின் தலைப்பு, ஏனைய நடிகர், நடிகைகள் மற்றும் தொழில்நுட்பக் கலைஞர்கள் தொடர்பான மேலதிக விபரங்கள் இதுவரை வெளியாகவில்லை.
தற்போது படப்பிடிப்பு ஆரம்பமாகியுள்ள நிலையில், இப்படம் தொடர்பான அடுத்தடுத்த அறிவிப்புகளை ரசிகர்கள் ஆவலுடன் எதிர்பார்த்துக் காத்திருக்கின்றனர். குறிப்பாக, ஹாரர் காமெடி கதைக்களத்தில் ஜெய் எவ்வாறு ரசிகர்களைக் கவரப்போகின்றார் என்பது திரையுலகில் கவனத்தை ஈர்த்துள்ள விடயமாக மாறியுள்ளது.
.png)
.png)
Listen News!