அடேங்கப்பா..த்ரிஷாவின் சொத்து மதிப்பு மட்டும் இத்தனை கோடியா…!

சினிமாவில் அறிமுகமாகி கடந்த 20 வருடங்களாய் முன்னணியில் இருப்பவர் நடிகை த்ரிஷா.

‘லேசா லேசா’ படத்தில் கதாநாயகியாக அறிமுகமாகி இருந்தாலும், த்ரிஷா நடித்து முதலில் வெளிவந்த படம் ‘மௌனம் பேசியதே’. அதற்குப் பின்னர் பல முன்னணி கதாநாயகர்களுடன் ஜோடி சேர்ந்து நடித்துள்ளார். தெலுங்கிலும் முக்கியமான முன்னணி கதாநாயகர்களுடன் பல வெற்றிப் படங்களில் நடித்துள்ளார்.

மேலும் தமிழில் விக்ரமுடன் நடித்த ‘சாமி’ படம்தான் அவருக்குப் பெரிய திருப்புமுனையைத் தந்தது. அதன்பின் விஜய்யுடன் நடித்த ‘கில்லி’ அவரை உச்சத்தில் கொண்டு போய் வைத்தது என்று தான் கூற வேண்டும்.தொடர்ந்து பல வெற்றிப் படங்களில் நடித்துள்ளார். நாயகிக்கு முக்கியத்தும் வாய்ந்த ‘அபியும் நானும்’ படமும் அவருடைய நடிப்பைப் பற்றிப் பேச வைத்தது.

எனினும் தற்போது ‘பொன்னியின் செல்வன்’ படத்தில் குந்தவை கதாபாத்திரத்தில் நடித்து முடித்துள்ளார் த்ரிஷா. அவர் முதன்மைக் கதாநாயகியாக நடித்துள்ள ‘ராங்கி’ படம் வெளிவர வேண்டும். ‘சதுரங்க வேட்டை, கர்ஜனை’ உள்ளிட்ட படங்களும் வெளியாக வேண்டும்.

இந்நிலையில் இவரின் சொத்து மதிப்பு பற்றி ஒரு தகவல் வெளியாகி உள்ளது.அதாவது இவரின் முழு சொத்து மதிப்பு 75 முதல் 80 கோடி வரை இருக்கும் என கூறப்படுகின்றது.அத்தோடு இவருக்கு சென்னை மற்றும் ஹைதராபாத்தில் வீடுகளும் உள்ளனவாம்.