தமிழ் சினிமாவின் மூத்த இயக்குனர் பாரதிராஜா (84) மறைவுக்கு இயக்குனரும் நடிகருமான பார்த்திபன் தனது ஆழ்ந்த இரங்கலை தெரிவித்துள்ளார். அவரது இன்ஸ்டாகிராம் பதிவில், பாரதிராஜாவின் சினிமா பயணம் குறித்து மிக உணர்ச்சிபூர்வமாக நினைவுகூர்ந்துள்ளார்.
அதில், அரை நூற்றாண்டு சினிமா சரித்திர நாயகன் அவர். அவரைப் பின்தொடர்ந்து சினிமாவிற்குள் வந்தவர்கள் மட்டுமே இன்றைய சினிமாவை உருவாக்கியவர்கள் எனக் குறிப்பிட்டுள்ளார்.
மேலும், சினிமா என்ற சூரியனைத் தன் திசைக்குள் திருப்பிக் கொண்டவரின் அஸ்தமனத்தை இன்று சூரியனே கண்ணீராக பார்த்தது என உருக்கமாக தெரிவித்துள்ளார்.
பார்த்திபன் மேலும், வந்தார், வென்றார், சென்றார் என்றவர் அல்ல அவர். இளைய இயக்குனர்களின் இதயத்தில் புதிய சினிமாவை விதைத்தவர். புதிய நவீன யதார்த்த சினிமா மலர அவரே ஒரு பூமியை விதைத்தவர் என பாராட்டியுள்ளார்.
அவரது நினைவுகளை பகிர்ந்த பார்த்திபன், தன்னை அறிமுகப்படுத்திய தருணத்தையும் நினைவுகூர்ந்து, ஒரு பாரதிராஜாவிடமிருந்து பாக்யராஜ் வந்த மாதிரி, ஒரு பாக்யராஜிடமிருந்து பார்த்திபன் வரப்போகிறான் என்று என் இயக்குனர் கூறியதே என் வாழ்க்கையின் தொடக்கம் என தெரிவித்துள்ளார்.
மேலும், அவர் ஒப்பனை இல்லாத உணர்வுகளோடு வாழ்ந்த மனிதர். இயக்குனர்களின் இமயமாக உயர்ந்தாலும், இதயமாக வாழ்ந்தவர். அவர் போல ஒரு மனிதர் இனி வரவே மாட்டார் எனவும் தெரிவித்துள்ளார்.
அவரது மறைவு செய்தி கிடைத்தபோது ஏற்பட்ட அதிர்ச்சியையும் பகிர்ந்துள்ள பார்த்திபன், இன்று அதிகாலை என் சினிமா சூரியன் மீளா உறக்கம் கண்டதாக செய்தி வந்தது. அதை அறிந்தவுடன் கண் கலங்கினேன் என உருக்கமாக கூறியுள்ளார்.
அதோடு, சில தனிப்பட்ட நிகழ்வுகளையும் நினைவுகூர்ந்த அவர், வாழ்க்கை சில நேரங்களில் சினிமாவை விட பெரிய உணர்ச்சிகளை கொடுக்கும் எனவும் தெரிவித்துள்ளார்.
இறுதியாக, இன்னும் 50 ஆண்டுகள் ஆனாலும் சினிமா என்றால் அதன் அடுத்த சொல் பாரதிராஜா தான் என அவர் பதிவில் குறிப்பிட்டுள்ளார்.
.png)
.png)
Listen News!