பிரபல நடிகர் ரகுவரன் மற்றும் நடிகை ரோகிணி தொடர்பான தனிப்பட்ட வாழ்க்கை குறித்து ரோகிணி அளித்த சமீபத்திய பேட்டி தற்போது சமூக வலைத்தளங்களில் கவனம் பெற்றுள்ளது.
அந்தப் பேட்டியில் ரோகிணி கூறியதாவது, தனது திருமணத்திற்குப் பிறகு சினிமா வாழ்க்கையில் நீண்ட இடைவெளி ஏற்பட்டதாகவும், அதற்கு காரணம் கணவர் ரகுவரனின் குடும்பக் கொள்கை மற்றும் பார்வை என்றும் தெரிவித்துள்ளார்.
அவர் வேலைக்குச் செல்வதை ரகுவரன் விரும்பவில்லை என்றும், ஒரு குடும்பத்தலைவியாக மட்டுமே அவர் இருக்க வேண்டும் என்று எதிர்பார்த்ததாகவும் ரோகிணி கூறியுள்ளார். இதன் காரணமாக திருமணத்திற்குப் பிறகு சுமார் ஏழு ஆண்டுகள் அவர் திரைப்படத் துறையிலிருந்து விலகியிருந்ததாகவும் தெரிவித்துள்ளார்.
மேலும், ரகுவரன் வளர்ந்த குடும்பச் சூழல் பெண்கள் வீட்டுக்குள் மட்டுமே இருக்க வேண்டும் என்ற பாரம்பரியமான எண்ணத்தை கொண்டிருந்ததாகவும், அதனால் தனது மனைவியும் அதே கட்டுப்பாட்டில் இருக்க வேண்டும் என்ற மனநிலை அவரிடம் இருந்ததாகவும் ரோகிணி பேட்டியில் குறிப்பிட்டுள்ளார். இந்த மனநிலையிலிருந்து வெளியே வர தனக்கு நீண்ட கால போராட்டம் தேவைப்பட்டதாகவும் அவர் தெரிவித்துள்ளார்.
பின்னர் பல சவால்களை கடந்து மீண்டும் சினிமா துறைக்கு திரும்பியதோடு மட்டுமல்லாமல், ஒரு திரைப்படத்தை இயக்கும் அளவிற்கு தன்னை வளர்த்துக்கொண்டதாகவும் ரோகிணி கூறியுள்ளார். அவரது இந்த அனுபவப் பகிர்வு தற்போது ரசிகர்களிடையே பல்வேறு விவாதங்களை உருவாக்கியுள்ளது.
.png)
.png)
Listen News!