வித்தியாசமான குரல், தனித்துவமான நடிப்பு என தமிழ் சினிமாவில் தனக்கென ஒரு ரசிகர் பட்டாளத்தை உருவாக்கியவர் நடிகர் அர்ஜுன் தாஸ். வில்லன் கதாபாத்திரங்களில் மிரட்டிய அவர், தற்போது கதாநாயகனாகவும் தனது பயணத்தை வலுப்படுத்தி வருகிறார். அந்த வரிசையில், அவரது புதிய திரைப்படமான ‘கான் சிட்டி’ ரசிகர்களின் எதிர்பார்ப்பை அதிகரித்துள்ளது.
அறிமுக இயக்குநர் ஹரிஷ் துரைராஜ் இயக்கியுள்ள இந்த திரைப்படம், சாதாரண மக்களின் வாழ்க்கை, குடும்ப பாசம், நகர வாழ்க்கையின் சவால்கள் மற்றும் உணர்வுப்பூர்வமான தருணங்களை மையமாகக் கொண்டு உருவாக்கப்பட்டுள்ளதாக கூறப்படுகிறது.
இந்த படத்தில் அர்ஜுன் தாஸுடன், மலையாள நடிகை அன்னா பென், மூத்த நடிகை வடிவுக்கரசி, யோகி பாபு உள்ளிட்ட பலரும் முக்கிய கதாபாத்திரங்களில் நடித்துள்ளனர். பவர் ஹவுஸ் பிக்சர்ஸ் நிறுவனம் தயாரித்துள்ள இப்படத்திற்கு இசையமைப்பாளர் ஷான் ரோல்டன் இசையமைத்துள்ளார்.
இந்த நிலையில், கான் சிட்டி படத்தை முன்னதாக பார்த்த பிரபல தயாரிப்பாளர் மகேஷ் ராஜ் தனது சமூக வலைதளத்தில் பகிர்ந்த கருத்து தற்போது ரசிகர்களின் கவனத்தை ஈர்த்துள்ளது.
அவர் தனது பதிவில், கான் சிட்டி ஒரு சாதாரண திரைப்படம் அல்ல. படம் முடிந்த பிறகும் அதன் தாக்கம் மனதில் நீடிக்கிறது. விறுவிறுப்பான திரைக்கதை, தரமான உருவாக்கம் மற்றும் உணர்வுப்பூர்வமான காட்சிகள் இப்படத்தை கண்டிப்பாக பார்க்க வேண்டிய படமாக மாற்றியுள்ளன. எப்போதும் உள்ளடக்கம்தான் ராஜா என்பதை இந்த படம் மீண்டும் நிரூபிக்கிறது. இயக்குநர் ஹரிஷ் துரைராஜின் திறமை சிறப்பாக வெளிப்பட்டுள்ளது என்று பாராட்டியுள்ளார்.
ஒரு முன்னணி தயாரிப்பாளரின் இந்த பாராட்டு, படத்தின் மீதான எதிர்பார்ப்பை மேலும் உயர்த்தியுள்ளது. குறிப்பாக, அர்ஜுன் தாஸ் இந்த படத்தின் மூலம் கதாநாயகனாக இன்னொரு வெற்றியை பதிவு செய்வாரா என்ற கேள்வி ரசிகர்கள் மத்தியில் எழுந்துள்ளது.
இந்த படம் எதிர்வரும் 26ம் திகதி வெளியாகவுள்ளது என்பதும் குறிப்பிடத்தக்கது.
.png)
.png)
Listen News!