அமெரிக்காவில் இரு இசை ஜாம்பவான்களின் சந்திப்பு.!ரகுமான் பகிர்ந்த இன்ஸ்டா புகைப்படம் வைரல்!

அமெரிக்காவில் இசையின் மந்திரங்களை பகிர்ந்துகொண்டார் இரண்டு இசை இமையர்கள் உலக புகழ்பெற்ற இசையமைப்பாளர் ஏ. ஆர். ரகுமான் மற்றும் கர்நாடக இசை முதல் சினிமா இசை வரை தனது குரலால் பலரின் மனங்களை கொள்ளை கொண்ட பாடகர் கே.ஜே. யேசுதாஸ் ஆகியோர் சமீபத்தில் அமெரிக்காவில் சந்தித்தனர்.

இந்த சந்திப்பு, தங்கள் இசை பயணத்தில் ஒரு முக்கிய தருணமாக இருந்ததை இருவரும் சமூக வலைத்தளங்களில் பகிர்ந்துள்ளனர். ஏ. ஆர். ரகுமான் தன் இன்ஸ்டாகிராம் பக்கத்தில் யேசுதாஸுடன் எடுத்த புகைப்படத்தைப் பகிர்ந்து, “எப்போதும் கற்றுக்கொள்வதற்கான ஊக்கமாக இருப்பவர் யேசுதாஸ் சார். அவரை நேரில் சந்திக்க வாய்ப்பு கிடைத்தது ஒரு ஆழ்ந்த ஆனந்தம்,” என குறிப்பிட்டுள்ளார்.

இருவரும் முன்னதாக பல திரைப்படங்களில் பணியாற்றியுள்ளதாலும், இந்திய இசையின் உலகளாவிய வளர்ச்சிக்கு முக்கிய பங்களிப்பு செய்தவர்களாகவும், இவர்கள் இருவரும் இசை ரசிகர்களிடையே பெரும் மரியாதையை பெற்றுள்ளனர்.

இந்த சந்திப்பு அமெரிக்காவில் நடைபெற்றாலும், அதன் தாக்கம் உலகம் முழுவதும் உள்ள இசை ரசிகர்களை உற்சாகப்படுத்தியுள்ளது. இருவரும் எதிர்காலத்தில் இணைந்து பணியாற்ற வாய்ப்பு இருக்கிறதா என்ற எதிர்பார்ப்பும் தற்போது எழுந்துள்ளது.