தமிழ் சினிமா கடந்த சில ஆண்டுகளில் உலகளாவிய கவனத்தை ஈர்த்துள்ள நிலையில், தற்போது அதில் மேலும் ஒரு பெருமை சேர்க்கப்பட்டுள்ளது. சிவகார்த்திகேயன் – சாய் பல்லவி நடித்த “அமரன்” திரைப்படம், கோவா சர்வதேச திரைப்பட விழாவின் (International Film Festival of India – IFFI Goa) பனோரமா (Panorama) பிரிவில் தேர்வு செய்யப்பட்டுள்ளது.
இது குறித்து படத்தின் தயாரிப்பாளர், நடிகர் கமல் ஹாசன் மிகுந்த மகிழ்ச்சியுடன் தனது கருத்தை பகிர்ந்துள்ளார். அவர் கூறியதாவது, “அமரன் திரைப்படம் இந்த வருட கோவா சர்வதேச திரைப்பட விழாவின் பனோரமா பிரிவில் தேர்வு செய்யப்பட்டிருப்பது பெருமையாகும். மேலும், இந்த பிரிவில் தொடக்க திரைப்படமாக ‘அமரன்’ தேர்வு செய்யப்பட்டிருப்பது நமது தமிழ் திரைப்பட உலகுக்கே ஒரு பெருமை,” எனக் கமல் தெரிவித்தார்.
“அமரன்” திரைப்படம் 2024 அக்டோபர் 31 ஆம் தேதி உலகம் முழுவதும் வெளியிடப்பட்டது. இப்படம், உண்மை சம்பவத்தை அடிப்படையாகக் கொண்டது. இந்திய இராணுவ வீரரின் வாழ்க்கையை மையமாகக் கொண்டு உருவாக்கப்பட்டுள்ள படம் இது.
இப்படத்தில் சிவகார்த்திகேயன் அந்த வீரனின் கதாபாத்திரத்தில் நடித்துள்ளார். அவரது நடிப்பிற்கு ரசிகர்களும் விமர்சகர்களும் ஒருமித்த பாராட்டை தெரிவித்தனர். சாய் பல்லவி நடித்த கதாபாத்திரம் கதையின் உணர்ச்சிமிக்க பக்கமாக திகழ்ந்தது என்பதும் குறிப்பிடத்தக்கது.
.png)
.png)
Listen News!