தமிழ் சினிமாவில் தனித்துவமான நடிப்பால் தனக்கென ஒரு இடத்தை உறுதியாகப் பிடித்த நடிகர்களில் முதன்மையானவர் விஜய் சேதுபதி. ஹீரோ, வில்லன் என எந்த கதாபாத்திரமாக இருந்தாலும் அதை இயல்பாக ரசிகர்களின் மனதில் பதிய வைப்பது தான் அவரது பலம். அத்தகைய நடிகர் விஜய் சேதுபதியின் பிறந்த நாள் நேற்று, ஜனவரி 16, 2026 அன்று கொண்டாடப்பட்டது.
வழக்கமாக தனது பிறந்த நாளை மிக எளிமையாகக் கொண்டாடும் விஜய் சேதுபதி, இந்த ஆண்டும் அதே போக்கைத் தொடர்ந்துள்ளார். இந்த நிலையில், அவர் தற்போது நடித்துவரும் “SLUM DOG – 33 TEMPLE ROAD” திரைப்படத்தின் படப்பிடிப்பு தளத்தில், படக்குழுவினருடன் இணைந்து தனது பிறந்த நாளை கொண்டாடியுள்ளார். அந்த தருணங்களில் எடுக்கப்பட்ட புகைப்படங்கள் தற்போது சமூக வலைத்தளங்களில் வேகமாக வைரலாகி வருகின்றன.
அந்த புகைப்படங்களில், இயக்குநர், உதவி இயக்குநர்கள், தொழில்நுட்பக் குழு மற்றும் இணை நடிகர்கள் அனைவரும் கலந்து கொண்டிருப்பதும் குறிப்பிடத்தக்கது.
இந்த பிறந்த நாள் கொண்டாட்ட புகைப்படங்கள் இணையத்தில் வெளியாகியதும், விஜய் சேதுபதியின் ரசிகர்கள் பலரும் வாழ்த்துகளை குவித்து வருகின்றனர்.
_697d8747dc68d.webp)
.png)
.png)
Listen News!