எப்போதும் தனித்துவமான படைப்புகளை வழங்கி வரும் இயக்குநர் வெற்றி மாறன், தற்போது நடிகர் சிலம்பரசன் (சிம்பு) நடிப்பில் உருவாகி வரும் ‘அரசன்’ மூலம் ரசிகர்களின் எதிர்பார்ப்பை உச்சத்திற்கு கொண்டு சென்றுள்ளார். இந்தப் படத்தை தமிழ் சினிமாவின் முன்னணி தயாரிப்பாளர்களில் ஒருவரான கலைப்புலி எஸ். தாணு தயாரித்து வருகிறார்.
சமீபத்தில் வெளியாகிய ‘அரசன்’ படத்தின் புரோமோ வீடியோ, சமூக வலைத்தளங்களில் வைரலாகி ரசிகர்களின் கவனத்தை பெரிதும் ஈர்த்தது. வடசென்னை பின்னணியுடன் கூடிய காட்சிகள், சிம்புவின் லுக் ஆகியவை ரசிகர்களிடையே பெரும் எதிர்பார்ப்பை உருவாக்கியுள்ளது.
இந்த புரோமோ வெளியான சில மணி நேரங்களிலேயே, “வெற்றி மாறன் – சிம்பு கூட்டணி மிகப்பெரிய சம்பவம்”போன்ற கருத்துகள் சமூக வலைத்தளங்களில் பரவலாக பகிரப்பட்டன.
இந்தப் படத்தில் சிம்பு, முற்றிலும் மாறுபட்ட மற்றும் வலுவான கதாபாத்திரத்தில் நடித்து வருகிறார் என்று கூறப்படுகிறது. அவரது நடிப்புத் திறனை முழுமையாக வெளிப்படுத்தும் வகையில் இந்த கதாபாத்திரம் அமைக்கப்பட்டுள்ளதாக படக்குழு வட்டாரங்கள் தெரிவிக்கின்றன.
‘அரசன்’ படத்தில் சிம்புவுடன் இணைந்து, சமுத்திரகனி, கிஷோர், விஜய் சேதுபதி ஆகியோர் முக்கிய கதாபாத்திரங்களில் நடித்து வருகின்றனர். இந்த நட்சத்திர கூட்டணி, படத்தின் கதைக்கு மேலும் வலு சேர்க்கும் என ரசிகர்கள் எதிர்பார்க்கின்றனர். குறிப்பாக விஜய் சேதுபதி இந்த படத்தில் எந்த வகையான பாத்திரத்தில் வருகிறார் என்பது குறித்த ஆர்வம் அதிகரித்துள்ளது.
இந்தப் படத்திற்கு இசையமைப்பாளர் அனிருத் ரவிச்சந்தர் இசையமைக்கின்றார். இந்நிலையில், ‘அரசன்’ படத்தில் நடிகை யோகலட்சுமி முக்கிய கதாபாத்திரத்தில் நடிக்க இருப்பதாக அதிகாரபூர்வ தகவல் வெளியாகியுள்ளது. இந்த அறிவிப்பு, ரசிகர்களிடையே கவனத்தை ஈர்த்துள்ளது.
யோகலட்சுமி, சமீப காலமாக தனது இயல்பான நடிப்பால் ரசிகர்களின் மனதில் இடம்பிடித்து வருகிறார். குறிப்பாக, ‘டூரிஸ்ட் ஃபேமிலி’ மற்றும் ‘ஹார்ட் பீட்’ வெப்தொடர் ஆகியவற்றில் அவர் நடித்த முக்கிய கதாபாத்திரங்கள் நல்ல வரவேற்பைப் பெற்றன. இந்நிலையில், அரசன் படத்தில் தற்போது யோகலட்சுமி இணைந்திருப்பது படத்தின் மீதான எதிர்பார்ப்பை மேலும் உயர்த்தியுள்ளது.
.png)
.png)
Listen News!