நம்ம வீட்டு பொண்ணு சீரியலில் இருந்து விலகிய நடிகை-கசியும் காரணம் ..!

தமிழ் சின்னத்திரை ரசிகர்கள் மனதில் இடம் பிடிக்கும் வகையில் தற்பொழுது பல சீரில்கள் ஒளிபரப்பாகி வருகின்றது.அந்த வகையில் விஜய் டிவியில் மதிய நேரத்தில் ஒளிப்பரப்பாகும் சீரியல் ‘நம்ம வீட்டு பொண்ணு’ .

மேலும் இதில் கார்த்திக் என்ற கேரக்டரில் நடிகர் சுர்ஜித் குமார் நடிக்கிறார். சுர்ஜித் குமார் தவிர "நம்ம வீட்டு பொண்ணு" சீரியலில் ராஜா ராணி சீரியலில் வடிவு கதாபாத்திரத்தில் நடித்த நடிகை ஷப்னம், நடிகை அஷ்வினி ஆனந்திதா, அருணிமா சுதாகர், அம்ருதா, நித்தியா ரவிந்தர், வைஷாலி தணிகா, சந்தியா விஜே மற்றும் பலர் இடம் பெற்றுள்ளனர். முக்கியமாக நீண்ட இடைவெளிக்கு பின்னர் பிரபல சீரியல் நடிகர் வெங்கட் நம்ம வீட்டு பொண்ணு மூலம் மீண்டும் சின்னத்திரையில் நடித்து வருகினு்றார்.

இந்த சீரியலின் கதை என்னவென்றால் அக்ரிமெண்ட் முறையில் திருமண பந்தத்தில் இணையும் கார்த்திக் மற்றும் மீனாட்சியை சுற்றி நடக்கும் நிகழ்வுகள். இவர்களின் சண்டை, காதல், குடும்பம் இதை சுற்றி தான் கதை தற்போது சுவாரிஷ்யமாக நடைபெற்று வருகின்றது.

எனினும் குறிப்பாக இளைஞர்கள் இந்த சீரியலை அதிகம் விரும்பி பார்க்கின்றனர். டாம் அண்ட் ஜெர்ரி போல் மீனாட்சியும் கார்த்திக்கும் அடித்துக் கொள்ளும் ரொமான்ஸ் கெமிஸ்ட்ரி இணையத்தில் படு வைரல். இந்த சீரியலில் இயக்குனர் நிறைய புதுமுகங்களை அறிமுகப்படுத்தி இருக்கிறார் . இன்ஸ்டாகிராம், டிக் டாக் வைரல் பிரபலங்களும் இதில் நடித்து வருகின்றனர்.

மேலும் அந்த வகையில் இந்த சீரியலில் கார்த்திக்கின் முன்னாள் காதலி, மீனாட்சியின் அத்தை மகளாக திவ்யா ரோலில் நடித்தவர் சின்னத்திரை நடிகை ஷெரின். சின்னத்திரை நடிகையான இவர், திருமணம் சீரியல் மூலம் ரீச் ஆனார். அதன் பிறகு பாரதி கண்ணம்மா தொடரில் துளசி ரோலில் நடித்து வந்தார். இந்நிலையில் ஷெரின், நம்ம வீட்டு பொண்ணு சீரியலில் இருந்து விலகியுள்ளார் என தகவல் வெளியாகி உள்ளது.

அவருக்கு பதில் சுந்தரி சீரியலில் சுதாவாக நடிக்கும் லைலா இனி திவ்யாவாக நடிக்கிறார். மேலும் லைலாவின் அறிமுகம் சீரியலில் காண்பிக்கப்பட்டது. அதே நேரம் ஷெரின் இந்த சீரியலில் இருந்து ஏன் விலகினார் என்ற காரணம் தெரியவில்லை.

இந்நிலையில் ஷெரின் மீண்டும் துளசியாக பாரதி கண்ணம்மா சீரியலில் என்ட்ரி கொடுக்க இருக்கிறார் அதனால் தான் அவர் நம்ம வீட்டு பொண்ணு சீரியலில் இருந்து விலகி இருப்பதாக ரசிகர்கள் கருத்துக்களை இணையத்தில் பதிவு செய்து வருகின்றனர். மேலும் இந்த தகவல் உண்மையா? இல்லையா? என்பதை பொறுத்திருந்து தான் பார்க்க வேண்டும்.