சினிமா ரசிகர்களை துயரத்தில் ஆழ்த்திய நகைச்சுவை நடிகர் ரோபோ சங்கரின் மறைவு, இன்னும் பலராலும் ஏற்றுக் கொள்ள முடியாத ஒன்றாகவே இருக்கிறது. தமிழ் திரையுலகில் தனித்துவமான நடிப்பு, நகைச்சுவைத் திறன் என பல்வேறு துறைகளில் தனக்கென ஒரு இடத்தை உருவாக்கி வந்த அவர் திடீர் உடல் நலக் குறைவால் உயிரிழந்தது திரையுலகையே உலுக்கியது.
அவரது மறைவுக்குப் பிறகு, குடும்பத்தினர் வேதனையும் பிரிவுத் துயரமும் அடைந்து கொண்டனர். குறிப்பாக, ரோபோ சங்கரின் மகள் இந்திரஜா தந்தையின் மறைவுக்குப் பிறகு பல இடங்களில் தன் உணர்ச்சிகளை பகிர்ந்து வருகிறார்.
சமீபத்தில் நடைபெற்ற செய்தியாளர் சந்திப்பில் கலந்து கொண்ட இந்திரஜா, தந்தை ரோபோ சங்கரைப் பற்றி பேசும் போது உருக்கமான பதிவுகளை பகிர்ந்தார். இறந்தவர்களை நினைக்கும் ஒவ்வொரு குடும்பத்தின் துயரமும் ஒரே மாதிரியானது தான். ஆனால், இந்திரஜாவின் வார்த்தைகள் அவருக்கு ஏற்பட்டிருக்கும் ஆழமான மன வேதனையை வெளிப்படுத்தின.
அவர் கூறியதாவது, “அப்பாவை ரொம்ப மிஸ் பண்றோம்.. அவர் இல்லாதது ரொம்ப வருத்தமாக இருக்கிறது. அவரை குடுவையில் அடைத்து கங்கையில் கரைப்பேன்னு கனவில் கூட நினைக்கல.. " என்றார்.
இந்த வார்த்தைகள், தந்தையை இழந்த மகளின் மனம் எந்த அளவிற்கு நொறுங்கியிருக்கும் என்பதை உணர்த்துகின்றன.
.png)
.png)
Listen News!