தென்னிந்திய சினிமாவின் முன்னணி நடிகர்களில் ஒருவரான துல்கர் சல்மான், மீண்டும் ஒரு அதிரடி ஆக்சன் திரில்லர் கதைக்களத்துடன் ரசிகர்களை சந்திக்க தயாராகியுள்ளார். அவர் நடிப்பில் உருவாகியுள்ள புதிய திரைப்படமான ‘ஐ அம் கேம்’ தற்போது இறுதிக்கட்ட பணிகளில் தீவிரமாக ஈடுபட்டு வருகிறது.
'ஆர்.டி.எக்ஸ்' திரைப்படத்தின் மூலம் கவனம் பெற்ற இயக்குநர் நஹாஸ் ஹிதாயத் இந்தப் படத்தை இயக்கியுள்ளார். துல்கருடன் ஆண்டனி வர்கீஸ், கதிர், கயாடு லோஹர், பார்த் திவாரி, சம்யுக்தா விஸ்வநாதன் ஆகியோருடன் இயக்குநர் மிஷ்கினும் முக்கிய கதாபாத்திரத்தில் நடித்திருப்பது ரசிகர்களின் எதிர்பார்ப்பை மேலும் அதிகரித்துள்ளது.
இந்தப் படத்திற்கு இசையமைப்பாளர் ஜேக்ஸ் பிஜோய் இசையமைத்துள்ள நிலையில், அதிரடி சண்டைக் காட்சிகளை அன்பறிவ் வடிவமைத்துள்ளனர். ஆக்சன் மற்றும் பரபரப்புக்கு முக்கியத்துவம் கொடுத்து உருவாக்கப்பட்டுள்ள இந்த திரைப்படம், மலையாளம் மட்டுமல்லாமல் தமிழ், தெலுங்கு, இந்தி மற்றும் கன்னடம் உள்ளிட்ட ஐந்து மொழிகளில் பான்-இந்தியா வெளியீடாக திரைக்கு வரவுள்ளது.
சமீபத்தில் படப்பிடிப்பு நிறைவடைந்ததைத் தொடர்ந்து, ஓணம் பண்டிகையை முன்னிட்டு ஆகஸ்ட் 20ஆம் தேதி படம் வெளியாகும் என படக்குழு அதிகாரப்பூர்வமாக அறிவித்துள்ளது. கேரளாவில் ஓணம் பண்டிகை காலம் திரைப்படங்களுக்கான மிகப்பெரிய வசூல் சீசனாக கருதப்படுகிறது.
இந்த நிலையில், ‘ஐ அம் கேம்’ படத்தின் ஓணம் வெளியீட்டு போஸ்டரை படக்குழு வெளியிட்டுள்ளது, துல்கரின் இந்த படத்திற்கு கடுமையான போட்டி காத்திருக்கிறது. நடிகர் பிருத்விராஜின் ‘கலிஃபா’ மற்றும் நிவின் பாலியின் ‘பெத்லகேம் குடும்ப யூனிட்’ போன்ற படங்களும் அதே பண்டிகை காலத்தில் வெளியாகவுள்ளன.
இதனால், இந்த ஓணம் பாக்ஸ் ஆபிஸில் யார் ஆதிக்கம் செலுத்தப் போகிறார்கள் என்ற எதிர்பார்ப்பு தற்போது மலையாள திரையுலகில் அதிகரித்துள்ளது. துல்கர் சல்மானின் அதிரடி அவதாரம் ரசிகர்களை கவருமா அல்லது ஓணம் போட்டியில் வேறு படம் முன்னிலை பெறுமா என்பது ஆகஸ்ட் மாதத்தில் தெரியவரும்.
Suit up. It's time. 🕶️✨🎲💸🎰@NAHASKh1 @VarghesePepe @am_kathir @iamSandy_Off @DirectorMysskin @11Lohar @samyukthavv @anbariv @jakes_bejoy @ImGameMovie @DQsWayfarerFilm #DulquerSalmaan #NahasHidayath #AntonyVarghese #dQ40 #IamGame #WayfarerFilms #August20 #OnamRelease pic.twitter.com/zsaLS1mZlR
— Dulquer Salmaan (@dulQuer) June 14, 2026
.png)
.png)
Listen News!