நாகார்ஜூனாவின் 100வது திரைப்படமாக உருவாகி வரும் ‘கிங்-100’ படத்தின் மீதான எதிர்பார்ப்பு நாளுக்கு நாள் அதிகரித்து வருகிறது. ரா.கார்த்திக் இயக்கத்தில் உருவாகும் இப்படம், குடும்ப பின்னணியை மையமாகக் கொண்ட கதைக்களத்தில் உருவாகி வருவதாக கூறப்படுகிறது.
இந்த படத்தில் நாகார்ஜூனாவுடன் ஹிந்தி நடிகை தபு, சுஷ்மிதா பேட், ஐஸ்வர்யா ராஜேஷ், விஜயேந்திர பிரசாத் உள்ளிட்ட பலர் முக்கிய கதாபாத்திரங்களில் நடித்து வருகின்றனர். இந்நிலையில், படக்குழு வெளியிட்டுள்ள புதிய அறிவிப்பு ரசிகர்களின் கவனத்தை வெகுவாக ஈர்த்துள்ளது.
அதன்படி, தமிழ் நடிகர் அசோக் செல்வன் ‘கிங்-100’ படத்தில் வில்லன் கதாபாத்திரத்தில் நடிக்கிறார் என்பது அதிகாரபூர்வமாக அறிவிக்கப்பட்டுள்ளது. இதனால் நாகார்ஜூனாவுக்கும் அசோக் செல்வனுக்கும் இடையிலான மோதல் எப்படி இருக்கும் என்ற எதிர்பார்ப்பு ரசிகர்கள் மத்தியில் உருவாகியுள்ளது. மேலும், அசோக் செல்வனின் கதாபாத்திரம் படத்தின் கதையில் எந்தளவுக்கு முக்கியத்துவம் பெறும் என்பதும் கேள்வியாகியுள்ளது.
குறிப்பாக, இயக்குநர் ரா.கார்த்திக் மற்றும் அசோக் செல்வன் கூட்டணி ஏற்கனவே ‘நித்தம் ஒரு வானம்’ திரைப்படத்தில் இணைந்திருந்தது. 2022ஆம் ஆண்டு வெளியான அந்த படத்தில் அசோக் செல்வன் நாயகனாக நடித்திருந்த நிலையில், தற்போது அதே இயக்குநரின் படத்தில் வில்லனாக களமிறங்குகிறார். இதனால் இந்த கூட்டணியின் புதிய பரிமாணம் ரசிகர்களிடையே கூடுதல் கவனத்தை பெற்றுள்ளது.
அன்னபூர்ணா ஸ்டுடியோஸ் தயாரிக்கும் இப்படத்திற்கு தேவி ஸ்ரீ பிரசாத் இசையமைக்கிறார். நாகார்ஜூனாவின் 100வது படமாக உருவாகி வருவதால், தமிழ் மற்றும் தெலுங்கு திரையுலகில் இப்படத்திற்கான எதிர்பார்ப்பு அதிகரித்துள்ளது. ‘கிங்-100’ திரைப்படம் வரும் டிசம்பர் 24ஆம் தேதி திரையரங்குகளில் வெளியாகும் என அறிவிக்கப்பட்டுள்ளது.
-270e62e0-a053-11f1-a04c-b59c54412a8b_6abc86ec4d71d.jpg)
.png)
.png)
Listen News!