தமிழ் மற்றும் தென்னிந்திய திரையுலகில் முன்னணி நடிகையாக வலம் வரும் சமந்தா, தனது சிறுவயது நினைவுகள் குறித்துப் பகிர்ந்துகொண்ட சுவாரஸ்யமான தகவல் தற்போது ரசிகர்கள் மத்தியில் கவனம் ஈர்த்து வருகின்றது.
தீபாவளி பண்டிகை என்றாலே புத்தாடைகள், பட்டாசுகள் மட்டுமின்றி விதவிதமான பலகாரங்களும் அனைவருக்கும் நினைவுக்கு வரும். குறிப்பாக, பாரம்பரியமான இனிப்புப் பலகாரங்களுக்கு எப்போதும் தனி வரவேற்பு உண்டு. அந்த வகையில், தீபாவளிப் பலகாரங்கள் தொடர்பான உரையாடலின்போது நடிகை சமந்தா தனது விருப்பமான இனிப்பு மற்றும் சிறுவயது அனுபவம் குறித்து மனம் திறந்துள்ளார்.
இதன்போது, தனக்குப் பிடித்தமான உணவுகளில் அதிரசமும் ஒன்று எனக் குறிப்பிட்ட அவர், சிறுவயதில் வீட்டுக்கு வெளியே விற்பனை செய்யப்படும் ஒரு ரூபாய் அதிரசத்தை வாங்குவதற்காகக் காசு சேமித்து வந்ததாகத் தெரிவித்துள்ளார்.
மேலும், அவ்வாறு சேமித்த பணத்தில் அதிரசத்தை வாங்கி மிகவும் ரசித்துச் சாப்பிடுவேன் என்றும் தனது மலரும் நினைவுகளைப் பகிர்ந்துகொண்டுள்ளார்.
தற்போதைய காலத்தில் முன்னணி நடிகையாகவும் பிரபலமாகவும் இருக்கும் சமந்தா, தனது சிறுவயதில் இருந்த எளிமையான ஆசையை இவ்வாறு நினைவுகூர்ந்திருப்பது ரசிகர்களை நெகிழ்ச்சியடையச் செய்துள்ளது.
குறிப்பாக, ஒரு ரூபாய் அதிரசத்திற்காகக் காசு சேமித்த அந்த அழகான நினைவு பலருக்கும் தங்களது சிறுவயது அனுபவங்களை நினைவுபடுத்தியுள்ளது. இதனால் சமந்தாவின் இந்தப் பேச்சு தற்போது சமூக வலைத்தளங்களில் ரசிகர்களின் கவனத்தை ஈர்த்து வருகின்றது.
.png)
.png)
Listen News!