தென்னிந்தியாவில் சிறப்பான திரைப்படங்களை இயக்கி ரசிகர்களின் மனதில் தனித்த இடத்தைப் பெற்றவர் இயக்குநர் சீனு ராமசாமி. இவரது படைப்புக்களில் மனித உணர்வுகள், வாழ்க்கையின் நுட்பமான தருணங்கள் போன்றவை நிரம்பிக் காணப்படும். சமீபத்தில் அவர் இயக்கிய 'கோழிப்பண்ணை செல்லதுரை' என்ற திரைப்படம் திரையரங்குகளைக் காட்டிலும் ஓடிடி தளங்களில் அதிக வரவேற்பைப் பெற்றது. இதில் அவர் தனது தனிப்பட்ட திறமையை மீண்டும் ஒருமுறை நிரூபித்துள்ளார்.
'கோழிப்பண்ணை செல்லதுரை' வெற்றியைத் தொடர்ந்து, சீனு ராமசாமி தற்பொழுது தனது புதிய திரைப்படத்தில் முழு உழைப்புடன் ஈடுபட்டு வருகின்றார். இந்தப் புதிய படத்திற்குப் "இடி முழக்கம்" எனப் பெயரிட்டுள்ளனர். இந்தப் படத்தை கலைமகன் முபாரக் தயாரிக்கின்றார் என்பதும் குறிப்பிடத்தக்கது.
"இடி முழக்கம்" திரைப்படம் உணர்வுபூர்வமான கதைகள் மற்றும் வாழ்க்கை நெருக்கடிகளை சித்தரிக்கின்ற வகையில் காணப்படுகின்றது. தற்பொழுது ஆக்சன் மற்றும் திரில்லர் கலந்த வகையில் கதை அமைந்திருக்கும் எனவும் கூறப்படுகின்றது. இதுவே அவர் இயக்கும் முதல் ஆக்சன் திரைப்படம் என்பதால், ரசிகர்களிடையே அதிக எதிர்பார்ப்பு உருவாகியுள்ளது.
தற்பொழுது வெளியான தகவலின்படி, "இடி முழக்கம்" திரைப்படத்திற்குத் தணிக்கை குழு யு/ஏ சான்றிதழ் வழங்கியுள்ளது. மேலும் இது குடும்பத்தோடு பார்க்கின்ற திரைப்படமாக இருக்கும் என்பதையும் உறுதி செய்துள்ளது. ஆகவே, இத்திரைப்படம் பெருமளவு ரசிகர்களை ஈர்ப்பதற்கான வாய்ப்பு உள்ளது எனவும் கூறப்படுகின்றது.
சமீபத்தில் வெளியாகியுள்ள போஸ்டர்கள், பர்ஸ்ட் லுக் என்பன மூலம் "இடி முழக்கம்" திரைப்படம் மீது அதிகமான கவனம் செலுத்தப்படுகின்றது. படக்குழு வெளியிட்டுள்ள சில தகவல்களில், படத்தின் கதையின் பின்னணியாக ஒரு கிராமத்து சூழலும், அதில் நடக்கும் ஆச்சரியமான சம்பவங்களும் மையமாக இருப்பதாக கூறப்படுகின்றது.
"இடி முழக்கம்" திரைப்படத்தில் ஜி.வி.பிரகாஷ் முக்கிய கதாப்பாத்திரத்தில் நடித்திருக்கின்றார். குறிப்பாக, சீனு ராமசாமியின் கதையமைப்பு மற்றும் கதாப்பாத்திரங்கள் என்றால் ஒரு தனித்துவமான அழகு இருக்கும் என்பதனால், இந்த புதிய முயற்சி எப்படியிருக்கும் என்பதை அறிந்துகொள்ள ரசிகர்கள் ஆவலுடன் காத்திருக்கின்றனர்.
"இடி முழக்கம்" திரைப்படம் 2025ம் ஆண்டுக்குள் திரையரங்குகளில் வெளியாக உள்ளது எனவும் வெளியீட்டு திகதி மற்றும் கூடுதல் தகவல்கள் குறித்த அதிகாரபூர்வ அறிவிப்புக்கள் விரைவில் வெளிவரும் எனவும் கூறப்படுகின்றது.
_67f346ba52f55.jpg)
_67f294a4d0fff.jpg)
_67f1fd742472b.jpg)
.png)
.png)
Listen News!