நடிகர் ரஜினிகாந்தின் சுயசரிதை குறித்து கவிஞர் வைரமுத்து பகிர்ந்துகொண்ட சுவாரஸ்யமான தகவல்கள் தற்போது சமூக வலைத்தளங்களில் பலரது கவனத்தையும் ஈர்த்து வருகின்றன. ரஜினிகாந்தின் வாழ்க்கைப் பயணம், அவரது புகழ் மற்றும் தனித்துவமான வசீகரம் குறித்து வைரமுத்து தெரிவித்துள்ள கருத்துக்கள் ரசிகர்கள் மத்தியில் பேசுபொருளாகியுள்ளன.
தமிழ் சினிமாவில் தனக்கென ஒரு தனி இடத்தைப் பிடித்துள்ள ரஜினிகாந்த், பல தசாப்தங்களாக ரசிகர்களின் பேராதரவைப் பெற்று வருகிறார். சாதாரண வாழ்க்கையிலிருந்து தொடங்கி, இந்தியத் திரையுலகின் உச்ச நட்சத்திரங்களில் ஒருவராக உயர்ந்த அவரது பயணம் பலருக்கும் உத்வேகமாக அமைந்துள்ளது.
இந்நிலையில், ரஜினிகாந்தின் சுயசரிதை குறித்து தான் அவரிடம் பேசிய அனுபவத்தை கவிஞர் வைரமுத்து கவிதை வடிவில் பகிர்ந்துள்ளார்.
இதன்போது, ரஜினிகாந்திடம் அவரது சுயசரிதையை எழுத வேண்டும் எனத் தான் எதிர்பார்ப்பதாகக் கூறியதாகவும், அதற்கு அவர் ஏன் எனக் கேட்டதாகவும் வைரமுத்து குறிப்பிட்டுள்ளார்.
இதற்குப் பதிலளித்த தான், பலருக்கும் வரலாறு இருக்கிறது, ஆனால் ரஜினிகாந்துக்கு வசீகரமும் இருக்கிறது எனக் கூறியதாகத் தெரிவித்துள்ளார். இந்த வார்த்தைகளை ரஜினிகாந்த் மீண்டும் மீண்டும் சொல்லிப் பார்த்ததாகவும், முதலில் தமிழ் மற்றும் ஆங்கிலம் ஆகிய இரு மொழிகளிலும் சுயசரிதையை வெளியிடலாம் என அவர் தெரிவித்ததாகவும் வைரமுத்து பகிர்ந்துள்ளார்.
மேலும், அந்தப் புத்தகம் வெளியானால் அதிகம் விற்பனையாகும் புத்தகங்களில் ஒன்றாகத் திகழும் எனத் தான் கூறியதாகவும் தெரிவித்துள்ளார்.
ரஜினிகாந்தின் வாழ்க்கை அனுபவங்கள் புத்தகமாக வெளிவருமா என்ற எதிர்பார்ப்பை இந்தத் தகவல் ரசிகர்கள் மத்தியில் ஏற்படுத்தியுள்ளது. அவரது திரையுலகப் பயணத்தின் பின்னணியில் உள்ள அனுபவங்களை அறிந்துகொள்ள ரசிகர்கள் ஆர்வமாக உள்ளனர்.
.png)
.png)
Listen News!