நடிகை சமந்தா கதாநாயகியாக நடித்துள்ள ‘எங்கள் தங்கம்’ (தெலுங்கில் ‘மா இண்டி பங்காரம்’) திரைப்படம் வெளியான முதல் ஐந்து நாட்களிலேயே வசூல் ரீதியாக சிறப்பான வரவேற்பைப் பெற்றுள்ளது. தமிழ் மற்றும் தெலுங்கு ரசிகர்கள் மத்தியில் பெரும் எதிர்பார்ப்புடன் கடந்த ஜூன் 19-ஆம் தேதி வெளியான இந்த படம் தற்போது பாக்ஸ் ஆபிஸில் வெற்றிகரமாக ஓடிக்கொண்டிருக்கிறது.
தென்னிந்திய சினிமாவின் முன்னணி நடிகைகளில் ஒருவராக திகழும் சமந்தா, கடந்த சில ஆண்டுகளாக கதாநாயகிக்கு முக்கியத்துவம் உள்ள கதைகளை தேர்வு செய்து நடித்து வருகிறார். அந்த வரிசையில் உருவான இந்த படத்தில் அவரின் நடிப்பு ரசிகர்களிடமும், விமர்சகர்களிடமும் பாராட்டுகளை பெற்று வருகிறது. குறிப்பாக உணர்ச்சி மற்றும் குடும்ப பின்னணியில் அமைந்த கதையில் சமந்தா தனது அனுபவத்தை முழுமையாக வெளிப்படுத்தியுள்ளதாக ரசிகர்கள் சமூக வலைத்தளங்களில் கருத்து தெரிவித்து வருகின்றனர்.
இப்படத்தை இயக்குநர் நந்தினி ரெட்டி இயக்கியுள்ளார். மேலும், சமந்தா மற்றும் ராஜ் நிடிமோரு இணைந்து தங்களது ‘Tralala Moving Pictures’ நிறுவனம் மூலம் தயாரித்துள்ளனர். குடும்ப உறவுகள், உணர்வுகள் மற்றும் பெண்மையின் வலிமையை மையமாகக் கொண்டு உருவாக்கப்பட்டுள்ள இந்த படம் அனைத்து தரப்பு ரசிகர்களையும் கவர்ந்துள்ளதாக கூறப்படுகிறது.
இந்நிலையில், படம் வெளியான ஐந்து நாட்களில் உலகளவில் ரூ.51.32 கோடி வசூல் செய்துள்ளதாக தகவல் வெளியாகியுள்ளது. இதன் மூலம் சமந்தாவின் கம்பேக் படங்களில் முக்கியமான ஒன்றாக ‘எங்கள் தங்கம்’ உருவெடுத்துள்ளது. ரசிகர்கள் மத்தியில் கிடைத்து வரும் நேர்மறை வரவேற்பு காரணமாக வரும் நாட்களிலும் படத்தின் வசூல் மேலும் அதிகரிக்கும் என எதிர்பார்க்கப்படுகிறது.
.png)
.png)
Listen News!