வேல்ஸ் நிறுவனம் தயாரிப்பில் உருவாகும் புதிய திரைப்படம் தற்போது தமிழ் சினிமா ரசிகர்களிடையே பெரிய எதிர்பார்ப்பை ஏற்படுத்தியுள்ளது. ‘96’ மற்றும் ‘மெய்யழகன்’ போன்ற உணர்வுபூர்வமான, மனதை தொடும் படங்களை இயக்கிய இயக்குநர் சி. பிரேம் குமார் இந்த புதிய படத்தை இயக்குகிறார் என்பது குறிப்பிடத்தக்கது. சமீபத்தில் இப்படத்தின் பூஜை விழா மிக எளிமையான முறையில் நடைபெற்றது.
இந்த படத்தில் பிரபல மலையாள நடிகர் பகத் ஃபாசில் நாயகனாக நடிக்கிறார். அவருக்கு ஜோடியாக 40 வயதான நடிகை ஷிவதா தேர்வு செய்யப்பட்டுள்ளார். இந்த இணைப்பு ரசிகர்களிடையே புதிய எதிர்பார்ப்பை உருவாக்கியுள்ளது.
‘புரொடக்ஷன் நம்பர் 32’ என தற்காலிகமாக பெயரிடப்பட்டுள்ள இந்த படம், இயக்குநர் பிரேம் குமாரின் முந்தைய படங்களிலிருந்து முற்றிலும் மாறுபட்ட வகையில் ஒரு ஆக்ஷன்–த்ரில்லர் கதையாக உருவாகிறது.
இது அவர் இயக்கும் முதல் தமிழ் ஆக்ஷன் படம் என்பதால், தொழில்நுட்ப ரீதியாகவும் கதையமைப்பிலும் புதிய முயற்சிகள் இடம்பெறும் என எதிர்பார்க்கப்படுகிறது. பொதுவாக உணர்வுபூர்வமான கதைகளில் கைதேர்ந்த இயக்குநராக அறியப்படும் பிரேம் குமார், இந்த முறை ஆக்ஷன் மற்றும் சஸ்பென்ஸ் கலந்த திரைக்கதையை தேர்வு செய்திருப்பது கவனத்தை ஈர்த்துள்ளது.
தொடர்ந்து வித்தியாசமான கதைகளை தேர்வு செய்து நடித்து வரும் பகத் ஃபாசிலுக்கு இந்த படம் ஒரு முக்கியமான மைல்கல்லாக இருக்கும் என திரையுலக வட்டாரங்கள் கருதுகின்றன. ரசிகர்களிடையே இதன் அப்டேட்கள் பெரும் ஆர்வத்துடன் எதிர்பார்க்கப்படுகின்றன.
.png)
.png)
Listen News!