தீவிரமான நடிப்பு மற்றும் வேறுபட்ட கதாபாத்திரங்களின் மூலம் ரசிகர்களைக் கவர்ந்தவர் அர்ஜுன் தாஸ். ‘கைதி’ மற்றும் ‘மாஸ்டர்’ படங்களில் அவரது வில்லன் வேடங்கள் தமிழ் சினிமாவில் மறக்க முடியாத தாக்கத்தை ஏற்படுத்தின. வில்லன் கதாபாத்திரங்களிலிருந்து வெளியேறி, தற்போது ஹீரோவாக பல சுவாரஸ்யமான கதைகளைத் தேர்வு செய்து வருகிறார்.
அவருடன் சேர்ந்து தற்போது மலையாளத்தில் தன்னுடைய வலுவான நடிப்பால் இடம் பிடித்த அன்னா பென் இணைந்து நடிக்கும் புதிய படத்தின் பூஜை நிகழ்ச்சி இன்று இனிதே நடைபெற்றது. இது ரசிகர்களிடையே பெரிய அளவில் கவனத்தைப் பெற்றுள்ளது.
அன்னா பென் மலையாள சினிமாவில் தனது இயல்பான நடிப்பால் பிரபலமானவர். தமிழ் சினிமாவிலும் அவர் சூரி நடித்த ‘கொட்டுக்காளி’ படத்தில் தோன்றியுள்ளார். இப்போது அர்ஜுன் தாஸ் உடன் இணைந்து முக்கிய கதாபாத்திரத்தில் நடிப்பது ரசிகர்களிடையே புதிய எதிர்பார்ப்பை உருவாக்கியுள்ளது.
இந்த படத்தை Power House Pictures நிறுவனம் தயாரிக்கிறது. இவர்கள் வித்தியாசமான கதைகளை உருவாக்குவதில் சிறப்பு பெற்றவர்கள். இந்த படமும் அதேமாதிரி ஒரு புதுமையான கதைக்களத்தை அடிப்படையாகக் கொண்டு உருவாக்கப்படுகிறது.
படத்தை எழுதி, இயக்குவது அறிமுக இயக்குநர் ஹரிஷ் துரைராஜ். புதிய இயக்குநராக இருந்தாலும், அவரிடம் இருக்கும் கதை சொல்லும் திறனும், படைப்பாற்றலும் இந்த படத்தை ஒரு வித்தியாசமான குடும்ப பொழுதுபோக்கு படமாக மாற்றும் என படக்குழுவினர் கூறுகின்றனர்.
_693963f0df97a.webp)
_69395314c3730.jpg)
.png)
.png)
Listen News!