கபடி மைதானத்தில் சுழலும் சூறாவளி.! வெளியானது 'பல்டி' ட்ரெய்லர்

தமிழில் வெளியான மெட்ராஸ் காரன் படத்தின் மூலம் நாயகனாக அறிமுகமானவர் நடிகர் ஷேன் நிகாம். இவர் கும்பளாங்கி நைட்ஸ், இஷ்க், பறவ உள்ளிட்ட படங்களில் நடித்துள்ளார். எனினும் மெட்ராஸ் காரன் திரைப்படம் கலவையான விமர்சனங்களைப் பெற்றது.

இவர் தனது 25வது படமான பல்டி என்ற படத்தில் நடித்து முடித்துள்ளார். இந்தப் படத்தை உன்னி சிவலிங்கம் இயக்கியுள்ளார். இதில் இவர் கபடி வீரராக நடித்துள்ளதோடு, இந்த படத்தில் இவருடன் சாந்தனு பாக்யராஜ் முக்கிய கேரக்டரில் நடித்துள்ளார்.

பல்டி திரைப்படம் தமிழ், மலையாளத்தில் உருவாகியுள்ளது. இந்த படம் கபடி விளையாட்டை மையமாகக் கொண்டு எடுக்கப்பட்டுள்ளது. இதற்கு சாய் அபயங்கர் இசையமைத்துள்ளார்.

இந்த படம் எதிர்வரும் செப்டம்பர் 26 ஆம் தேதி வெளியாக உள்ளது. இதிலிருந்து முதலாவது பாடலான ஜாலக்காரி வீடியோ வெளியாகி ரசிகர்கள் மத்தியில் நல்ல வரவேற்பை பெற்றது.

இந்த நிலையில், பல்டி படத்தின் ட்ரெய்லர் வெளியாகி உள்ளது. அதன் ஆரம்பத்தில் கிராமிய உணர்வுகளையும், கட்டம் கட்டமாக வெளியாகும் காட்சிகள் மூலம் அணியின் நான்கு வீரர்களையும் அறிமுகப்படுத்தி உள்ளனர்.

இதில் நான்காவதாக அறிமுகமானவர்தான் பல்டி . இந்த அறிமுகத்தில் கபடியின் நுணுக்கங்களை எளிமையாக விளக்கி ரசிகர்களுக்கு புரியும்படி ட்ரெய்லரை வெளியிட்டுள்ளனர்.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை