குஷ்பு மற்றும் சுந்தர்.C தம்பதியினர் இன்று தங்களின் 26வது திருமண நாளை மகிழ்ச்சியுடன் கொண்டாடி வருகின்றனர். மார்ச் 9ஆம் தேதி அவர்களின் வாழ்க்கையில் முக்கியமான நாளாக இருப்பதால், ரசிகர்களும் திரையுலக நண்பர்களும் சமூக வலைத்தளங்கள் வழியாக வாழ்த்துகளைத் தெரிவித்து வருகின்றனர்.
தமிழ் சினிமாவின் முன்னணி நடிகைகளில் ஒருவராக பல ஆண்டுகள் ரசிகர்களின் மனதில் இடம்பிடித்தவர் குஷ்பு. 1990களில் தொடங்கி பல வெற்றிப்படங்களில் நடித்த அவர், பின்னர் அரசியல் மற்றும் தொலைக்காட்சி துறைகளிலும் முக்கிய பங்கு வகித்து வருகிறார். அவரின் வாழ்க்கையில் முக்கியமான திருப்பமாக அமைந்தது இயக்குநர் சுந்தர்.சியுடன் ஏற்பட்ட திருமணம்.
இவர்கள் இருவரும் 2000ஆம் ஆண்டு மார்ச் 9ஆம் தேதி திருமணம் செய்து கொண்டனர். அந்த காலகட்டத்தில் தமிழ் திரையுலகில் மிகவும் பேசப்பட்ட திருமணங்களில் இதுவும் ஒன்று. திரையுலகின் பல முன்னணி நட்சத்திரங்கள், அரசியல் தலைவர்கள் மற்றும் நெருங்கிய நண்பர்கள் கலந்து கொண்டு இந்த தம்பதியினருக்கு வாழ்த்து தெரிவித்தனர்.
திருமண வாழ்க்கையின் 26வது ஆண்டை எட்டியுள்ள இந்த தம்பதியினர் இன்று தங்களின் திருமண நாளை எளிமையாகவும் மகிழ்ச்சியாகவும் கொண்டாடி வருகின்றனர். இந்த சிறப்பு நாளை முன்னிட்டு குஷ்பு தனது சமூக வலைத்தளங்களில், குறிப்பாக இன்ஸ்டாகிராமில், கணவர் சுந்தர்.சியுடன் எடுத்துக் கொண்ட பல நினைவுப்புகைப்படங்களை இணைத்து ஒரு வீடியோவாக வெளியிட்டுள்ளார்.
குஷ்பு பகிர்ந்துள்ள அந்த வீடியோவில், கடந்த பல ஆண்டுகளாக அவர்களின் குடும்ப வாழ்க்கையில் எடுத்துக் கொண்ட புகைப்படங்கள் இடம்பெற்றுள்ளன. இளமைக்கால நினைவுகள் முதல் சமீபத்திய குடும்ப தருணங்கள் வரை பல புகைப்படங்கள் அந்த வீடியோவில் இடம்பெறுவதால் ரசிகர்கள் பெரிதும் ரசித்து வருகின்றனர்.
அந்த வீடியோவை வெளியிட்டதுடன், கணவர் சுந்தர்.சியுடன் தன்னுடைய வாழ்க்கை பயணத்தை நினைவுகூரும் வகையில் குஷ்பு ஒரு உணர்ச்சிபூர்வமான குறிப்பையும் பகிர்ந்துள்ளார்.
.png)
.png)
Listen News!