வெந்து தணிந்தது காடு திரைப்படத்தின் தமிழக விநியோக உரிமையைக் கைப்பற்ற நினைக்கும் பிரபல நிறுவனம்

தமிழ் சினிமாவில் தவிர்க்க முடியாத முக்கிய நடிகராக வலம் வருபவர் சிம்பு. இவர் நடிப்பில் இறுதியாக வெளியாகிய மாநாடு திரைப்படம் சூப்பர் ஹிட் வெற்றி பெற்றதை அடுத்து இவருடைய படங்களுக்கான எதிர்பார்ப்பானது ரசிகர்களிடையே அதிகரித்து காணப்படுகின்றது.

இந்த நிலையில் இவர் நடிப்பில் உருவாகி வரும் திரைப்படம் தான் வெந்து தணிந்தது காடு. இந்தத் திரைப்படத்தை இயக்குநர் கௌதம் மேனன் இயக்கி வருகின்றார். இப்படத்தில் ஏ ஆர் ரஹ்மான் இசையமைக்கின்றார்.

சென்னை மும்பை என இரண்டு இடங்களில் இந்த படத்தின் படப்பிடிப்பு நடந்த நிலையில் இப்போது மொத்த படப்பிடிப்பும் முடிந்துள்ளது. படத்தில் இடம்பெற்றுள்ள ’காலத்துக்கும் நீ வேணும்’ என்கிற முதல் சிங்கிள் பாடலும் வெளியாகி நல்ல கவனத்தைப் பெற்றுள்ளது.

இந்நிலையில் தற்போது ரிலீஸுக்கான வேலைகள் தொடங்கியுள்ள நிலையில் இந்த படத்தின் தமிழக விநியோக உரிமையைக் கைப்பற்ற முன்னணி தயாரிப்பு நிறுவனமான ஏஜிஎஸ் நிறுவனம் பேச்சுவார்த்தை நடத்தி வருவதாக தகவல் வெளியாகியுள்ளதைக் காணலாம்.