பிரதீப் ரங்கநாதன் நடித்துள்ள 'லவ் இன்சூரன்ஸ் கம்பெனி' திரைப்படம் தற்போது ரசிகர்களிடையே பெரும் எதிர்பார்ப்பை உருவாக்கியுள்ளது. இந்த படத்தை விக்னேஷ் சிவன் இயக்கியுள்ளார் என்பது கூடுதல் ஹைப் அளிக்கிறது. காதல் மற்றும் பேன்டஸி கலந்த புதிய கதைக்களத்தில் உருவாகியுள்ள இப்படத்தில் எஸ்.ஜே.சூர்யா, கீர்த்தி ஷெட்டி, சீமான், யோகி பாபு ஆகியோர் முக்கிய கதாபாத்திரங்களில் நடித்துள்ளனர்.
இப்படத்திற்கு இசையமைப்பாளர் அனிருத் ரவிச்சந்தர் இசையமைத்துள்ளார். சமீபத்தில் வெளியான டீசர் ரசிகர்களிடம் நல்ல வரவேற்பைப் பெற்றது. அதேபோல், ‘அடாவடி’ என்ற பாடல் வெளியானதும் சமூக வலைத்தளங்களில் வைரலாகி வருகிறது. இந்த பாடலின் வரிகளை ரோகேஷ் மற்றும் விக்னேஷ் சிவன் இணைந்து எழுதியுள்ளனர். அனிருத்தின் இசையும், பாடலின் பீட்டும் இளைஞர்களை அதிகமாக கவர்ந்துள்ளது.
மேலும், இப்படத்தின் சாட்டிலைட் உரிமையை விஜய் தொலைக்காட்சி கைப்பற்றியுள்ளதுடன், டிஜிட்டல் ஸ்ட்ரீமிங் உரிமையை அமேசான் பிரைம் வீடியோ பெரிய தொகைக்கு வாங்கியுள்ளது. இது படத்தின் வியாபார வெற்றியை முன்கூட்டியே சுட்டிக்காட்டுகிறது.
படம் வரும் ஏப்ரல் 10ஆம் தேதி திரையரங்குகளில் வெளியாகும் என அறிவிக்கப்பட்டுள்ளது. காதல், காமெடி, பேன்டஸி ஆகியவை கலந்து இருக்கும் இந்த படம் இளைஞர்களின் மனதை வெல்லும் என எதிர்பார்க்கப்படுகிறது. ரசிகர்கள் ஆவலுடன் காத்திருக்கும் இந்த படம் வெளியானதும் நல்ல வரவேற்பை பெறும் என்பதில் சந்தேகமில்லை.
.png)
.png)
Listen News!