தமிழ் சினிமாவில் மங்காத்தா, மாநாடு போன்ற ஹிட் படங்களை கொடுத்த இயக்குனர் வெங்கட் பிரபு இயக்கத்தில் விஜய் நடிக்கும் திரைப்படம் தான் கோட். இந்த திரைப்படம் எதிர்வரும் செப்டம்பர் 5ஆம் தேதி ரிலீசுக்கு தயாராகியுள்ளது.
கோட் படத்தில் பிரசாந்த், பிரபுதேவா, அஜ்மல், லைலா, ஸ்நேகா, மைக் மோகன் உள்ளிட்ட பல முன்னணி பிரபலங்கள் நடிப்பதால் இந்த படம் மீது மிகப்பெரிய எதிர்பார்ப்பு காணப்படுகின்றது. அத்துடன் அண்மையில் உயிரிழந்த விஜயகாந்தை ஏஐ டெக்னாலஜி ஊடாக சில காட்சிகளை நடிக்க வைத்துள்ளனர்.
கோட் திரைப்படத்திலிருந்து இதுவரையில் மூன்று பாடல்கள் வெளியானது. அதில் விஜய் - சினேகா காம்போவில் வெளியான மெலோடி பாடல் தான் மிகப்பெரிய வரவேற்பை பெற்றது. ஏனைய இரண்டு பாடல்களுமே ரசிகர்கள் எதிர்பார்த்த அளவுக்கு இல்லை என கூறப்படுகிறது. அதிலும் இறுதியாக வெளியான ஸ்பார்க் பாடல் படு விமர்சனத்திற்கு உள்ளானது.
இதைத் தொடர்ந்து கோட் படத்தின் ட்ரெய்லர் சுகந்திர தினத்தை முன்னிட்டு வெளியாகும் என கூறப்பட்டது. ஆனாலும் இன்னும் கொஞ்சம் டைம் வேண்டும் எனவும் தாம் அதை பெரிய லெவலில் செய்வதாகவும் இந்த படத்தில் தயாரிப்பாளர் அர்ச்சனா தெரிவித்து இருந்தார்.
இந்த நிலையில் தற்போது கோட் படத்தின் போஸ்டர் ஒன்றை வெளியிட்டு இதன் ட்ரெய்லர் நாளை மாலை 5 மணிக்கு வெளியாகும் என அறிவிக்கப்பட்டுள்ளது.
.png)
.png)
Listen News!