கென் கருணாஸ் இயக்கி ஹீரோவாக நடித்துள்ள “யூத்” திரைப்படம் கடந்த வாரம் வெளியாகி ரசிகர்களின் பேராதரவை பெற்று வெற்றிகரமாக திரையரங்குகளில் ஓடிக்கொண்டிருக்கிறது. முதல் நாளிலிருந்தே இப்படம் பாக்ஸ் ஆபிஸில் நல்ல வசூலை குவித்து வருகிறது. இளைஞர்களை மையமாகக் கொண்ட கதை மற்றும் அதில் இடம்பெற்றுள்ள எமோஷன், காமெடி, இசை ஆகியவை ரசிகர்களை கவர்ந்துள்ளதாக கூறப்படுகிறது.
இந்த படத்தில் கென் கருணாஸுடன் சுராஜ், தேவதர்ஷினி, நளினி போன்ற அனுபவம் வாய்ந்த நடிகர்கள் நடித்துள்ளனர். மேலும், அனிஷ்மா அனில்குமார், மீனாட்சி உள்ளிட்ட பல இளம் நடிகர்களும் இப்படத்தில் முக்கிய கதாபாத்திரங்களில் நடித்துள்ளனர். இப்படத்திற்கு G. V. பிரகாஷ் குமார் இசையமைத்துள்ளார்.
இப்படத்தின் “முட்டக் கலக்கி” பாடல் வெளியான தருணத்திலிருந்தே ரசிகர்களிடையே பெரும் வரவேற்பை பெற்றது. தற்போது அந்த பாடல் யூடியூப் தளத்தில் 10 கோடி பார்வையாளர்களை கடந்துள்ளதாக தகவல்கள் வெளியாகியுள்ளன. இந்த பாடலை ஜி.வி. பிரகாஷ் இசையில் கென் கருணாஸ் எழுதி பாடியிருப்பது கூடுதல் சிறப்பாக பார்க்கப்படுகிறது.
இந்த சாதனை, “யூத்” படத்தின் பிரபலத்தையும், குறிப்பாக அதன் இசையின் தாக்கத்தையும் வெளிப்படுத்துகிறது. மேலும், இப்படம் தொடர்ந்து நல்ல வரவேற்பை பெற்று வருவதும் குறிப்பிடத்தக்கது.
.png)
.png)
Listen News!