சூர்யா நடித்த ’கங்குவா’ படத்தின் டீசர் ரிலீஸ் தேதி குறித்து அறிவிப்பு வெளியாகி உள்ள நிலையில் இந்த டீசரில் ஒரு முக்கிய ட்விஸ்ட் இருக்கும் என்று எதிர்பார்க்கப்படுகிறது.
சூர்யா நடித்து வரும் ’கங்குவா’ படத்தின் படப்பிடிப்பு கடந்த சில மாதங்களாக நடைபெற்ற நிலையில் சமீபத்தில் இந்த படத்தின் படப்பிடிப்பு முடிவடைந்தது என்பதும் அதன் பின்னர் இந்த படத்தின் டப்பிங் உள்ளிட்ட தொழில்நுட்ப பணிகள் நடைபெற்று வருவதாகவும் கூறப்பட்டது.
அதுமட்டுமின்றி சமீபத்தில் புதுவையில் இந்த படத்தின் இரண்டாம் பாகத்திற்கான லீட் காட்சிகள் படமாக்கப்பட்டதாகவும் இதனை அடுத்து இந்த படத்தின் இரண்டாம் பாகம் உறுதி செய்யப்பட்டதாகவும் கூறப்பட்டது.
இந்த நிலையில் கடந்த இரண்டு நாட்களுக்கு முன்பே ’கங்குவா’ படத்தின் டீசர் வெளியாக இருந்த நிலையில் திடீரென சூர்யா ரசிகர் மன்றத்தை சேர்ந்த ஒருவர் காலமானதை அடுத்து டீசர் ரிலீஸ் தேதி ஒத்திவைக்கப்பட்டதாக கூறப்பட்டது.
இந்நிலையில் சற்று முன் இந்த படத்தின் தயாரிப்பு நிறுவனமான ஸ்டூடியோ க்ரீன் நிறுவனத்தின் சமூக வலைதள பக்கத்தில் ’கங்குவா’ படத்தின் டீசர் நாளை மாலை 4.30 வெளியாகும் என்று அறிவிக்கப்பட்டுள்ளது. இதனை அடுத்து சூர்யா ரசிகர்கள் டீசர் வெளியாக இருப்பதை அடுத்து சமூக வலைதளங்களில் கொண்டாடி வருகின்றனர்.
மேலும் இந்த டீசரில் ஒரு டிவிஸ்ட்டாக இந்த படத்தின் ரிலீஸ் தேதியும் அதிகாரப்பூர்வமாக அறிவிக்கப்படும் என்று எதிர்பார்க்கப்படுகிறது. ’கங்குவா’ படத்தின் ரிலீஸ் தேதி தேர்தல் தேதி அறிவிப்புக்காகவே காத்திருந்த நிலையில் தற்போது ரிலீஸ் அறிவிக்கப்படும் என்பது சூர்யா ரசிகர்களுக்கு கூடுதல் உற்சாகத்தை ஏற்படுத்தியுள்ளது. நாளை வெளியாக இருக்கும் டீசர் எப்படி இருக்கும் என்பதை பொறுத்திருந்து பார்ப்போம்.
Prepare for a phenomenon!#Kanguva set to ignite your personal screens🔥
A Sizzle Teaser dropping tomorrow, at 4:30 PM#KanguvaSizzle 🦅@Suriya_offl @DishPatani @thedeol @directorsiva @ThisIsDSP @GnanavelrajaKe @UV_Creations @KvnProductions @PenMovies @NehaGnanavel…
.png)
.png)
Listen News!